Números 7:84 - Jaꞌ An Biblia Yin Akateko

^84-88 Yuxan jaꞌ masanil wan ofrenda jix yakꞌ ebꞌ yaaw yeoc xol ebꞌ yicꞌaal Israel yet jix oc can yopiso jun yet xaambꞌal tuꞌ, jaꞌton wan tiꞌ: Lacawebꞌ chꞌen mimej plato jix waꞌnele yin chꞌen plata, ey 1,430 gramo yalil junjun chꞌen, yetoj lacawebꞌ ẍalu plata chꞌen cꞌal eloj, ey 770 gramo yalil junjun chꞌen, nonaj chꞌen yetoj ixim jarina calbꞌil yetoj aceite olivo; lacawebꞌ chꞌen miman cuchara oro cꞌal eloj, ey 110 gramo yalil junjun, nonaj yetoj teꞌ incienso sukꞌukꞌi yoc sabꞌ; yetoj lacawcꞌon noꞌ achꞌe wacax, lacawcꞌon noꞌ icham meꞌ, yetoj lacawcꞌon noꞌ achꞌe meꞌ jun abꞌil skꞌinal, jix akꞌle tzꞌaꞌ yin xaambꞌal yet watxꞌcꞌulal; lacawcꞌon noꞌ icham chiw yu stooloj spenail. Jaxa yet slawubꞌal, jix yakꞌon xaambꞌal yet watxꞌcꞌulal ebꞌ, 24 noꞌ icham wacax, 60 noꞌ icham meꞌ, 60 noꞌ icham chiw, yetoj 60 noꞌ achꞌe meꞌ jun abꞌil skꞌinal.

Números 7:84 Křížové odkazy