Marcos 6:17 - Jaꞌ An Biblia Yin Akateko

^17-19 Tol yu jun tiꞌ, yuxan jix cam naj Juan tuꞌ yu naj Herodes. Ey jun yuẍtaj naj Herodes tuꞌ chi yij Felipe. Herodías sbꞌi yistil. Montebꞌil el yistil naj Felipe tuꞌ yu naj Herodes tuꞌ. Jaꞌ naj Juan jix alon tet Herodes tuꞌ jaxca tiꞌ: —Caw cꞌam sleyal cha monte el yistil naj ja wuẍtaj, ẍi naj tet. Yu jun tuꞌ, jix tit sjowal ix Herodías tuꞌ. Jix cꞌoli yakꞌle scꞌul naj Herodes yu ix. Yuxan jix yakꞌ mitxꞌle naj Juan, jix yaoc preso catuꞌ jix pixle ey naj yetoj cadena. Jaꞌ ix Herodías tuꞌ, caw chi chichon oc scꞌul ix yin naj. Chi yoche ix chi yakꞌ cam naj, cꞌam cꞌal chi skeꞌ pax yu ix.

Marcos 6:17 Křížové odkazy