मत्ती 21:32 - जिरेल32 च्यिला सासीन यूहन्नेकीचेन परमेश्वरगी खि साबाच्योक खित्च्या सिराते च्यि ईन्दे सिन ख्योकोनला लापा ओतान। ईन्सीनोङ ख्योकोनगी थे बातला नामज्योकराङ मासेत्सुङ। तर कर लिन्कान्ते मिओन थेमे रन्डीओनगीचेन थे बात ङेन्सुङ। थेबेकी थोक खाबाते छ्या स्येनामेकीङ ख्योकोनगी खेराङ पापी दुका सिन छ्या स्येला परमेश्वर छ्य्वापा लै खित्च्येते माक्यासुङ, यूहन्ने बात मेङेन्दाराङ खाईन देत्सुङ। Viz kapitola |