مَتّی 21:33 - کتاب مقدس به زبان تالشی شمالی33 «و حِسَه اِم مَثَّلی گوش آکَرَه. ایلَه اَربابی بَه که ایلَه اَنگِرَه باغی وَج آکَردِشه و چَیی دوری حَصار دَچیندِشه. اَ، باغی دیلَه کا ایلَه چاچَه ایی وَج آکَردِشه اَنگِری لِه آکَردِه را و ایلَه برجی وَج آکَردِشه نگهبانی دوعِه را. دومله باغی اِجاره دوشَه چَن گِلَه باغَوونون و اِشتَن شَه ایلَه دییَر مملکتی را. Viz kapitolaکتاب مقدس به زبان تالشي - گویش مرکزی33 «ایسَه اِم مَثَلی گوش آکَرَ. ایلَه اَربابی بَه کن اَنگرَ باغی گَتِشَه وچَی دووری حیصار پَناشَه و اَ باغی دِلَکا اَنگِری لرت آکَردِرا حووضی سِی آکَردِشَه واَ باغیکا نیگَبانی دوعِه خونه قَلَه ایی ساستِش. چَی بَه دوملَه اَنگِرَ باغی چَن گِلَه باغَه وونی ایجارَ داشَه و اِشتَن دییَرَ وِلَتیرا شَه. Viz kapitola |