UDÁNĪYƐ̄LU 5:7 - Ubáyíbu kú Idɔma7 Ɔcɛ́ ā lɛ ɛgba dɛ̄ ka ɔ̄cɛ éyi kóō lɛ ācoyímabɔ̄, aɔ́hɛ, ācɛ nēe ī bī aínyílɔ́wɔ lɛ jé ɔdā nōo ī yá ā mɛ́mla odúúdú ācojééyī kú Ubábīlɔn ā kpó wā. Anɔ́ɔ ɔcɛ́ ā da ācojééyī kú Ubábīlɔn ā kahíníī, “Ɔ̄cɛ dúúmā nōo lɛ ɔkpá nēé tá tū ɔdɔ nyā jé, nōó klla lɛ ɛyí nū ka ga um, n géē je awulú nɔ̄wá kú ɔcɛ́ wu ɔ́ iyē, n klla í lɛ agbá oje ɔdɔ tū ɔ̄ ɔkɔ. Anú klla géē wɛ ɔcɛ́ ɔ́mɛtá ipú ajɛ kú ajɔ̄ɔ̄cɛ́ kú um á.” Viz kapitola |