2 Maũndũ ma Matukũ ma Tene 8:14 - Kiugo Gĩtheru Kĩa Ngai Kĩrĩkanĩro Kĩrĩa Gĩkũrũ Na Kĩrĩa Kĩerũ

¹⁴ Kũrũmanĩrĩra na wathani ũrĩa watuĩtwo nĩ ithe Daudi, nĩamũrire ikundi cia athĩnjĩri-Ngai nĩ ũndũ wa mawĩra mao, o na Alawii nĩguo matongoragie hĩndĩ ya kũgooca na ningĩ mateithagĩrĩrie athĩnjĩri-Ngai kũringana na mabataro ma o mũthenya. Ningĩ nĩamũrire ikundi cia arangĩri a ihingo marangagĩre ihingo mwanya mwanya, tondũ ũguo nĩguo Daudi, mũndũ wa Ngai, aathanĩte.

Kĩrĩkanĩro Gĩa Gĩkũyũ

¹⁴ Ningĩ kũringana na ũrĩa ithe Daudi aatigire oiga gwĩkagwo, akĩbanga wĩra wa kũrutagwo ta ũũ: Athĩnjĩri Ngai matuanagĩre mawĩra maao o ta ũrĩa maatariĩ, nao Alawii mateithagĩrĩrie athĩnjĩri Ngai kũinaga nyĩmbo cia kũgooca MWATHANI. Ningĩ akĩiga arangĩri a mĩrango ya Hekaarũ o ta ũrĩa yaiganaga mamĩrangĩre na njĩra ya gũtuanĩra mũthenya o mũthenya o ta ũrĩa Daudi, mũndũ wa Ngai, aatigire aathana.

IBUKU RĨRĨA ITHERU RĨA NGAI

¹⁴ Nake aatuire atĩ athĩnjĩri-Ngai matuanagĩre mawĩra mao o ta ũrĩa maatariĩ, naho ha ũhoro wa Alawii agĩtua atĩ marutage mawĩra mao ma kũgatha Jehova, o na mamũtungatagĩre marĩ mbere ya athĩnjĩri-Ngai, o ta ũrĩa kwagĩrĩire gwĩkwo, mũthenya o mũthenya, gũgagĩĩkagwo o ta ũrĩa mũtugo watariĩ ũrĩa Daudi aatuĩte ũrũmagĩrĩrũo; nao andũ amwe magĩgĩtuwo aikaria mĩrango o ta ũrĩa matuanĩra mao maatariĩ o mũrango-inĩ; nĩ gũkorũo ũguo nĩguo Daudi, mũndũ wa Ngai, aathanĩte gwĩkagwo.

2 Maũndũ ma Matukũ ma Tene 8:14 Křížové odkazy