Ndari 1:20 - Kĩrĩkanĩro Gĩa Gĩkũyũ

^20-46 Arũme arĩa maarĩ na mĩaka mĩrongo ĩĩrĩ gũthiĩ na igũrũ arĩa mangĩathiire mbaara magĩkĩandĩkwo marĩĩtwa kũringana na mĩhĩrĩga na mbarĩ. Maambĩrĩirio na mũhĩrĩga wa Reubeni ũrĩa warĩ irigithaathi rĩa Jakubu. Mũigana wao oothe warĩ: Mũhĩrĩga Mũigana wa andũ Reubeni Ngiri mĩrongo ĩna na ithathatũ na magana mataano (46,500) Simeoni Ngiri mĩrongo ĩtaano na kenda na magana matatũ (59,300) Gadi Ngiri mĩrongo ĩna na ithaano na magana matandatũ na mĩrongo ĩtaano (45,650) Juda Ngiri mĩrongo mũgwanja na inya na magana matandatũ (74,600) Isakaru Ngiri mĩrongo ĩtaano na inya na magana mana (54,400) Zebuluni Ngiri mĩrongo ĩtaano na mũgwanja na magana mana (57,400) Efiraimu Ngiri mĩrongo ĩna na magana mataano (40,500) Manase Ngiri mĩrongo ĩtatũ na igĩrĩ na magana meerĩ (32,200) Benjamini Ngiri mĩrongo ĩtatũ na ithaano na magana mana (35,400) Dani Ngiri mĩrongo ĩtandatũ na igĩrĩ na magana mũgwanja (62,700) Asheri Ngiri mĩrongo ĩna na ĩmwe na magana mataano (41,500) Nafutali Ngiri mĩrongo ĩtaano na ithatũ na magana mana (53,400) Oothe maarĩ andũ ngiri magana matandatũ na ithatũ, na magana mataano na mĩrongo ĩtaano (603,550).

Kiugo Gĩtheru Kĩa Ngai Kĩrĩkanĩro Kĩrĩa Gĩkũrũ Na Kĩrĩa Kĩerũ

²⁰ Kuuma njiaro-inĩ cia Rubeni, mũriũ wa irigithathi wa Isiraeli: Arũme othe arĩa maakinyĩtie mĩaka mĩrongo ĩĩrĩ na makĩria, arĩa mangĩahotire gũthiĩ ita-inĩ, makĩandĩkwo o mũndũ o mũndũ na rĩĩtwa rĩake, kũringana na maandĩko ma mbarĩ na nyũmba ciao.

IBUKU RĨRĨA ITHERU RĨA NGAI

²⁰ Nacio njiaro cia ciana cia Reubeni, irigithathi rĩa Isiraeli, igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa ma arũme othe arĩa maakinyĩtie mĩaka mĩrongo ĩĩrĩ, na magakĩria hau, maatwararanĩte magĩtarũo mĩtwe yao, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;

Ndari 1:20 Křížové odkazy