Mathayo 5:19 - Kĩrĩkanĩro Gĩa Gĩkũyũ

¹⁹ Mũndũ ũrĩa ũtaathĩkagĩra maathani, o na akorwo nĩ kaũndũ karĩa kaniini, na akaruta andũ arĩa angĩ gwĩkaga taake, agaakorwo arĩ wa thuutha biũ Ũthamakiinĩ wa igũrũ. No ũrĩa wathĩkagĩra Watho, na akaruta arĩa angĩ gwĩkaga taake, agaakorwo arĩ mũnene Ũthamakiinĩ wa igũrũ.

Kiugo Gĩtheru Kĩa Ngai Kĩrĩkanĩro Kĩrĩa Gĩkũrũ Na Kĩrĩa Kĩerũ

¹⁹ Ũrĩa wothe ũkoina rĩathani o na rĩmwe rĩa marĩa manini, na arute arĩa angĩ gwĩka ũguo, nĩagatuuo mũnini makĩria thĩinĩ wa ũthamaki wa igũrũ, no ũrĩa wothe wĩkaga na akarutana maathani maya-rĩ, nĩagatuuo mũnene ũthamaki-inĩ wa igũrũ.

IBUKU RĨRĨA ITHERU RĨA NGAI

¹⁹ Hakĩrĩ ũguo-rĩ, o mũndũ ũrĩa wa kwagarara rĩathani rĩmwe rĩa maathani macio, o na rĩĩ inyinyi mũno, na arutage andũ gwĩka ũguo, mũndũ ũcio nĩagatuo mũnyinyi kũrĩ arĩa angĩ ũthamaki-inĩ wa Igũrũ. No rĩrĩ, ũrĩa ũrĩmaiguaga, na amarutanage, mũndũ ũcio nĩagatuo mũnene ũthamaki-inĩ wa Igũrũ.

Mathayo 5:19 Křížové odkazy