Luka 5:17 - Kĩrĩkanĩro Gĩa Gĩkũyũ

¹⁷ Mũthenya ũmwe Jesũ nĩkũrutana aarutanaga, naho hau aarutanagĩra hagĩkorwo harĩ na Afarisai amwe na arutani a Watho maikarĩĩte thĩ, moimĩĩte matũũrainĩ moothe ma Galili na Judea na Jerusalemu. Na rĩĩrĩ, hinya wa Mwathani wa kũhonania warĩ hamwe na Jesũ.

Kiugo Gĩtheru Kĩa Ngai Kĩrĩkanĩro Kĩrĩa Gĩkũrũ Na Kĩrĩa Kĩerũ

¹⁷ Mũthenya ũmwe nĩ kũrutana aarutanaga, nao Afarisai na arutani a watho arĩa mookĩte kuuma matũũra mothe ma Galili, na Judea, na Jerusalemu, maikarĩte thĩ hau. Naguo hinya wa Ngai wa kũhonania warĩ hamwe na Jesũ.

IBUKU RĨRĨA ITHERU RĨA NGAI

¹⁷ Na matukũ macio gũgĩkinya atĩ mũthĩ ũmwe nĩ kũrutana aarutanaga; na rĩrĩ, hagĩkorũo he Afarisai na arutani a watho wa Ngai, arĩa moimĩte matũũra mothe ma Galili na Judea o na Jerusalemu, maikaire thĩ o hakuhĩ na hau aarĩ: naguo hinya wa Mwathani warĩ nake, nĩguo ahonanie.

Luka 5:17 Křížové odkazy