2 Maũndũ ma Matukũ ma Tene 9:8 - Kĩrĩkanĩro Gĩa Gĩkũyũ

⁸ MWATHANI Ngai waku arogoocwo! Nĩakeneetio nĩwe agagũtua mũthamaki ũthamakage thĩinĩ wa rĩĩtwa rĩake. Nĩ ũndũ MWATHANI nĩendeete andũ aake o na akeenda magaacĩre tene na tene, nĩkĩo gĩtũmĩĩte agũtue mũthamaki nĩguo ũmatuagĩre ciira na kĩhooto na ũthingu.”

Kiugo Gĩtheru Kĩa Ngai Kĩrĩkanĩro Kĩrĩa Gĩkũrũ Na Kĩrĩa Kĩerũ

⁸ Jehova Ngai waku arogoocwo, ũrĩa ũkenetio nĩwe, na agagũikarĩria gĩtĩ-inĩ gĩake kĩa ũnene ũrĩ mũthamaki wa gũthamaka nĩ ũndũ wa Jehova Ngai waku. Tondũ wa ũrĩa Ngai waku endete Isiraeli, na akeerirĩria kũmanyiitĩrĩra nginya tene-rĩ, nĩagũtuĩte mũthamaki ũmathamakagĩre, nĩgeetha ũtũũrie kĩhooto na ũthingu.”

IBUKU RĨRĨA ITHERU RĨA NGAI

⁸ Jehova Ngai waku arogoocwo, we ũrĩa wakenirio nĩwe, agĩgũikarĩria gĩtĩ-inĩ gĩake gĩa ũthamaki, ũtuĩke mũthamaki nĩ ũndũ wa Jehova Ngai waku. Na rĩrĩ, ũndũ ũrĩa watũmire Ngai waku agũtue mũthamaki wa gũthamakĩra Isiraeli na ũmatuagĩre cira na kĩhooto-rĩ, nĩ atĩ nĩamendete, na nĩendaga atũũre amarũmĩtie wega tene na tene.

2 Maũndũ ma Matukũ ma Tene 9:8 Křížové odkazy