Aisea 50:2 - AI VOLA TABU

² A cava, niʼu a lako mai, sa sega kina e dua na tamata? a cava, niʼu a kaci, sa sega kina e rogo mai? Sa lekaleka li na ligaqu, me dredre kina ni ia na veivakabulai? se sa sega beka vei au na kaukauwa, meʼu dredreta kina na veikali? raica, niʼu sa vunauca, kaʼu sa vakadiva na wasawasa, ka cakava na uciwai me talasiga: ni sa yali na wai, sa bona na kena ika ka mate sara e na viagunu:

Ai Vola Tabu (Vakadewa Makawa Vakavoutaki 2021)

² A cava, ni'u a lako mai, sa sega kina e dua na tamata? A cava, ni'u a kaci, sa sega e dua me rogo mai? Sa lekaleka li na ligaqu, me dredre kina ni ia na veivakabulai? Se sa sega beka vei au na kaukauwa, me'u sega kina ni vakabula rawa? Raica, ni'u sa vunauca, ka'u sa vakadiva kina na wasawasa, ka vukica na uciwai me vanua talasiga; ni sa yali na wai, sa bona na kena ika ka mate sara e na viagunu.

Vakavakadewa Makawa

² A cava, ni'u a lako mai, sa sega kina e dua na tamata? a cava, ni'u a kaci, sa sega e dua me rogo mai? Sa lekaleka li na ligaqu, me dredre kina ni ia na veivakabulai? se sa sega beka vei au na kaukauwa, me'u sega kina ni vakabula rawa? raica, ni'u sa vunauca, ka'u sa vakadiva kina na wasawasa, ka vukica na uciwai me talasiga: ni sa yali na wai, sa bona na kena ika ka mate sara e na viagunu:

Vakavakadewa Vou kei na iVola tale eso

² A cava au sa sega ni kunea kina e dua na tamata Ena noqu lako yani me'u vakabulai ira? A cava era sega ni rogo mai kina ni'u kaci yani? Au sa rui malumalumu beka me'u ia na veivakabulai? Sa rawa vei au me'u vakamamacataka na wasawasa ena noqu vosa ga, Ka'u vukica na veiuciwai me vanua dravuisiga Me ra mate kina na ika ni sa sega na wai.

Ai Vola Tabu Ena Vakavakadewa Vou

² A cava era sega ni tiko kina na noqu tamata ena noqu lako yani me'u vakabulai ira? A cava era sega ni rogo mai kina ni'u kaci yani? Au sa rui malumalumu beka me'u ia na veivakabulai? Sa rawa vei au me'u vakamamacataka na wasawasa ena noqu vosa ga, Ka'u vukica na veiuciwai me vanua dravuisiga Me ra mate kina na ika ni sa sega na wai.

Aisea 50:2 Křížové odkazy