Romu 4:16 - BAYỊBURU Ẹzaa16 O noo g'o gude iwhe ono, Chileke kweru ụkwa iya bụru iwhe shi l'oworu onwonye ye iya l'ẹka, gẹ l'ee-shi t'ọ bụru iwhe shi l'eze-iwhe-ọma, l'oome. E shiwaro nno ụkwa iwhe ono abụru iwhe Chileke kweshiru ike doberu iwhe lile, bụ ẹpa Ébirihamu. Ọ tọ bụhekwa ndu l'emeje iwhe iwu sụru t'e meje kpụ. Chileke dobekwaru iya who iwhe bụ ndu woru onwowhe ye iya l'ẹka g'ọo Ébirihamu. O noo l'ọo Ébirihamu bẹ bụ nnajị anyịbe ndu woru onwanyị ye Chileke l'ẹka g'anyi hakọta kpamụ. Viz kapitola |