1 Iwhe e meru l'oge ndu eze 29:2 - BAYỊBURU Ẹzaa

² Mu dobewaru iwhe l'ee-gude mee ụlo Chileke ono g'ike beru mu. Mu dobewaru mkpọla-ododo, l'ee-gude mee iwhe l'eeme lẹ mkpọla-ododo, dobewaa mkpọla-ọcha, l'ee-gude mee iwhe l'eeme lẹ mkpọla-ọcha, dobewaa ope, l'ee-gude mee iwhe l'eeme l'ope, dobewaa mkpụrumkpu-igwe, l'ee-gude mee iwhe l'eeme lẹ mkpụrumkpu-igwe, dobewaa oshi, l'ee-gude mee iwhe l'eeme l'oshi. O nokwawho gẹ mu kụberu ikpoto ẹwhuru onikusu, mẹe ẹwhuru, l'aa-swọbe l'iwhe, mẹe ẹwhuru, l'egbukaa ngerengere, mẹwaro ẹwhuru, dụ l'iche l'iche, vukota ọnu aswa, mẹe ẹwhuru-egbe mabụlu.

1 Iwhe e meru l'oge ndu eze 29:2 Křížové odkazy