यहुदा 1:13 - Dhimal NT13 जेसाङ समुन्द्रको बल्लियाका उलाउ-उल्लाउका छाल्कागेलाइहोइ नाका चिहोइ थोसिको फिज भाइका चुमाखे, इङको द्याङगेलाइ लेदेर लुका कामगेलाइ पाखे। जेसाङ आधे फुरुगेलाइ दामा आवाइगिल्का हिखे कालाउ इङकोगेलाइता भर परिलि मादोखे, एन्साङ दोङ नेलाइ उङको द्याङगेलाइहेङ पिताइलि माएल। ओदोङ भाअ्सिङ जेलाउलाउको भाअ्सिङ कितिकितिकाता परमेस्वर इम्बालाइको भाअ्सिङ ए थामे ताअ्का हि, जेता हिदोइ बुङ थाअ्साइका मान्थुखे। Viz kapitola |