1 कोरिन्थि 4:8 - Dhimal NT8 नेलाइहेङ लागिखे कि, नेलाइ दोफा आत्मिक रुपता गोइका गोताङ काथा हि। कालाउ नेलाइ बिचार पासुखेना कि, नेलाइ दोफाते पबित्तरो आत्माको बरदानगेलाइ हि। कालाउ नेलाइहेङ इसिका बुङ लागिखे कि, केलाइ माकोसिङ नेलाइ राजा भाइपा सासन पालि दोस्वाना। जेसापा नेलाइ जातिङको सासन पाकानु का खुसि जेङधाङघा, कालाउ केलाइ बुङ नेलाइ दोफाङ सासन पालि दोअ्धाङ। Viz kapitolaधिमाल8 नेलाइ गोइका गोताङ थोक निङका हिसुन्हा आङ! नेलाइ गोताङ थोक निङतेङ गिर्हि जेङका हिसुन्हा आङ! नेलाइ केलाइबेगार दोङ राजा जेङका हिसुन्हा आङ! जातिङकोङ नेलाइ राजा जेङका हिनु ते रेम्काङ जेङधावा। कालाउ केलाइ बुङ नेलाइदोफाङ राज पाधाङ। Viz kapitola |