SAN MATEO 2:18 - Chatino Tataltepec

¹⁸ Lye tsa nda xtyi'i ñati̱ nde quichi̱ Ramá; nxi'ya ngu', ndyunaa tsa ngu', cha' ngujuii sñi' Raquel. Nxi'ya tsa nu cuna'a̱ bi', cha' cua ngujuii sñi'. Ni sca ñati̱ ná ngua ji'i̱ xaala' tyiquee nu cuna'a̱ bi', cha' nga'aa lu'ú sñi'. Jua'a̱ cha' nscua lo quityi, masi bilya caca cha' bi' lo'o tya lu'ú jyo'o cusu' nu nguscua cha' bi'. Bi' cha' jua'a̱ ngua ji'i̱ ngu' Belén, ngusi'ya tsa ngu' cha' ngujuii sñi' ngu'.

SAN MATEO 2:18 Křížové odkazy