SAN LUCAS 20:28 - Chatino Tataltepec28 Lo'o li' nacui̱ ngu' bi' ji'i̱ Jesús: ―Mstru ―nacui̱ ngu'―, nu ngua sa'ni nguscua jyo'o Moisés sca cha' lo quityi nu ndyanu ji'na. Ndi'ya̱ nchcui' cha' bi': nu lo'o cua ngujuii sca nu qui'yu lo'o ndyanu ti'i clyo'o yu, si ná ndi'i̱ ni sca sñi' ngu', li' ntsu'u cha' ji'i̱ tya'a ngula yu nu ntucua ycui' ti cha' caja clyo'o lo'o nu cuna'a̱ ti'i bi'. Lo'o caja sñi' ngu' li', sñi' tya'a yu nu cua ngujuii laca sñi' clyo ñacui̱ ngu'. Viz kapitola |