APOCALIPSIS 4:8 - Chatino Tataltepec

⁸ Scuá tya'a lu'be ntsu'u ji'i̱ scaa na'ni bi', pana ntucua cloo ni' tyucui ña'a̱ hichu̱' lu'be ni'; lo'o nde ne' lu'be ni', la cui' jua'a̱ ntucua cloo ni'. Nga'aa nchca ti̱ cha' ndula tu'ba ni' tsa̱ lo'o talya: Xcui' na lubii tsa cresiya ji'i̱ ycui' Ndyosi nu nchca ji'i̱ ndu'ni lcaa cña, nacui̱ ni' lo'o ndyula tu'ba ni'. Nu ngua tya clyo lu'ú ycui' Ni, la cui' jua'a̱ na lu'ú Ni juani, lo'o ña'a̱ ti tya lu'ú Ni tyempo nde loo la. Jua'a̱ nacui̱ ni' lo'o ndyula tu'ba ni'.

APOCALIPSIS 4:8 Křížové odkazy