2 कुरुन्थियों 6:9 - चम्बयाली नौआ नियम9-10 किच्छ मणू असा जो ठीक जाण-पैछाण वालेयां सांई मिलदे, पर किच्छ मणू असा जो अनजाण लोक्कां सांई नजरंदाज करी दिंदे। असी मरणे रे करीब रैहन्दे, पर असी फिरी भी जिन्दे हिन। असा जो कुट्टेया गेया, पर असी फिरी भी नी मरे। असा रे दुखी होणे रा समय भी आया पर असी फिरी खुसी मनांदे। असी गरीब हिन, पर मते जणेया जो आत्मिक रुप बिच अमीर बणाई दिदें, असी इदेय हिन कि जिय्यां असा का किच्छ भी नी है, पर फिरी भी असी सब किच्छ रखदे। ते इन्हा ही सारे तरिक्के कने असी ए ज़ाहिर करदे कि असी परमेश्वर रे चुणे रे दास हिन। Viz kapitola |