Lucas 12:16 - Chinantec Comaltepec

¹⁶ Jo̱baꞌ caꞌeꞌˊ Jesús jaléngꞌˋ i̱ dseaˋ do co̱o̱ˋ júuˆ jáꞌˉ e lafaꞌ júuˆ cuento e féꞌˋ lala jo̱ cajíñꞌˉ: —Co̱o̱ˋ néeꞌ˜ calɨséngˋ jaangˋ dseañʉꞌˋ i̱ seaˋ cuuˉ eáangˊ jo̱ óorˋ uǿˉ e jloꞌˆ eáangˊ cajo̱, jo̱ catáiñꞌˋ dseaˋ ꞌléengꞌ˜ quiáꞌrˉ i̱ cajméeˋ ta˜ e uǿˉ do. Jo̱ mɨ˜ carooˋ jaléꞌˋ e cajnírˋ do, dsíngꞌˉ jloꞌˆ cacuøˊ e uǿˉ do, jo̱ dsʉꞌ joˋ lɨ˜ seaˋguɨ e niꞌmeáˉ i̱ dseaˋ seaˋ cuuˉ do jaléꞌˋ e caroꞌrˋ.

Lucas 12:16 Křížové odkazy