Daniel 2:27 - Chayahuita (Shahui)27-29 —Tëhuënchachin mini sinioro copirno, magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsa inapita yaꞌhuërin. Yaꞌhuëpirinahuëꞌ, co aꞌnaya tëranta quëma yanitotëranso nanitopihuëꞌ anitotiinënsoꞌ. Napoaponahuëꞌ, inápaquë aꞌnara Yosë yaꞌhuërin. Co onpo nitotacasohuëꞌ nipisopita nanitërin anitotiinpoasoꞌ. Ina mini anitotarinquën aꞌna tahuëri maꞌsona onpocasoꞌ. Maꞌsona huaꞌnaransoꞌ, maꞌsona tapon naporinsoꞌ, inapita iporaso shaꞌhuitaranquën: Huëꞌëranquë quëhuënaton, aꞌna tahuëri maꞌsona onpocasoꞌ yonquiráran. Naporaran quëran huëꞌëpiranhuëꞌ, Yosësoꞌ, aꞌna tahuëri maꞌsona onpocasoꞌ, huaꞌnaran quëran anitotërinquën. Viz kapitola |