Nómba 2:10 - Bokyi Bible

^10-16 Banet ḿbé Rúben ba/chi ba-bi boompyep ebe ké kyikit ńkyí ekap ebe, ké byikim ké byikim, ké kyicê ńkyí busyísen. Banet-ashí ebe ba/mû něen. Ké kyikû-banet ńkyí Rúben, Elyízu mú wǎn-Shédu nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim nyâchât ne égot efee esim-bajam-banet batánge. Ké kyikû-banet ńkyí Syímyon, Shelúmyel mú wǎn-Zúryishadyâ nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit onyiryiká ne byinyii esim-égot ne kyicê. Ké kyikû-banet ńkyí Gât, Elyǎsap mú wǎn-Dúwel nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit byitánge esim-égot-banet efee. Ocím-banet omúmú ké byikû-banet ḿbyín byichât o/mû égot etánge etánge ké bajam-byikit káchâtkányi esim-byikit diǐkpú ne din ne égot-banet efee ne bajam-banet bafee esim diǐkpú. Kyikû-banet ńkyí Rúben nké ba/chi ba-jaa ké boompyep ebe ba-nye banet ḿbé Júda.

Nómba 2:10 Křížové odkazy