Levitikas 1:3 - Baebol Long Bislama

^3-5 Nao Hae God i talem se, “Moses. Sipos wan long yufala i wantem mekem sakrefaes ya we i blong bonem i bon evriwan, mo i wantem kilim buluk blong mekem, hem i mas tekem wan bul we i no gat wan samting i rong long bodi blong hem, mo i mas kam givim long mi long doa blong yad blong Haos Tapolen blong mi, long ples ya we Olta blong Bonem Sakrefaes i stap long hem, blong mi mi save glad long hem. Mo man ya bambae i mas putum han blong hem long hed blong bul ya blong soemaot we sakrefaes ya i blong hem, nao mi bambae mi glad long sakrefaes ya se bambae i tekemaot ol sin blong hem. Nao man ya bambae i mas kilim bul ya long ples ya, long fes blong mi, be i wok blong pris blong tekem blad blong hem blong leftemap long fes blong mi blong mekem i tabu, mo blong kafsaedem i go long ol fo saed blong Olta ya, blong givim i kam long mi. Eron wetem ol pikinini boe blong hem bambae oli pris, mo pris we bambae i stap wok long dei ya i mas mekem olsem.

Levitikas 1:3 Křížové odkazy