Amos 1:1 - Baebol Long Bislama1 Profet Amos, hem i man blong lukaot long sipsip, mo ples blong hem long taon ya Tekoa long Juda.* Long taem we King Usia i king long Juda, mo King Jeroboam, we papa blong hem King Jehoas, i king long Isrel,* profet ya i luk wan vison.* Long vison ya, God i givim ol tok long hem blong hem i go talemaot long ol laen* blong Isrel long not. Hem i luk vison ya fastaem, bigfala etkwek ya we i kasem olgeta long taem blong King Usia, hem i kam biaen, we tu yia i pas finis. Ol tok we i stap long buk ya, hemia nao ol tok we God i talem long hem. Viz kapitola |