Jeremia 11:15 - Ritonõpo Omiry: A Bíblia Sagrada na língua Aparai do Brasil15 Ynara tykase Ritonõpo roropa: — Mokaro pyno ase repe, yrome popyra ehtoh poko mã toto. Onoky omi poe ytõko toh nae Ytapyĩ Kurã taka? Otarame ynara osenetupuhnõko mã toto: “Kuãnohtohkõ onenehpopyra sytatose Ritonõpo a okyno tõ zahkaryhtao kynekarorykõme eya, kuomirykõ etaporyhtao roropa eya.” Moromeĩpo atãkyemãko toh nae? Viz kapitola |