Marcos 4:1 - Ang Pulong Sang Dios

¹ Nagpanudlo liwat si Jesus sa higad sang dagat. Madamo gid nga mga tawo ang nagtilipon sa iya palibot. Gani nagsakay siya sa sakayan nga nagapundo kag nagpungko siya didto. Kag ang mga tawo nagpabilin sa higad sang dagat.

Maayong Balita nga Biblia (2012)

¹ Sa liwat si Jesus nagpanudlo sa higad sang Linaw sang Galilea. Tama gid kadamo ang mga tawo nga nagtilipon sa palibot niya sa bagay nga nagsakay sia sa isa ka sakayan nga nagalutaw sa tubig kag nagpungko sia sa sini samtang ang madamo nga mga tawo nagpabilin sa bibi sang linaw.

Ang Biblia (1982)

¹ Liwat nagsugud sia sa pagpanudlo sa ubay sang dagat. Kag nagtipon sa iya ang daku gid nga kadam-an, sa bagay nga nagsakay sia sa sakayan kag naglingkod sa sini sa dagat; kag ang bug-os nga kadam-an yadto sa duta sa ubay sang dagat.

Marcos 4:1 Křížové odkazy