Esdras 10:16 - Ang Pulong Sang Dios

^16-17 Gintuman sang mga nagbalik sa pagkabihag ang ato nga plano. Gani nagpili si Ezra nga pari sang mga lalaki nga pangulo sang mga pamilya, kag ginlista ang ila ngalan. Kag sang nahauna nga adlaw sang ikanapulo nga bulan, nagpungko sila kag ginsuguran nila ang pag-imbistigar parte sa pagpangasawa sang mga Israelinhon sang mga babayi nga indi Israelinhon. Natapos nila ang pag-imbistigar sang tanan nga kaso sang nahauna nga adlaw sang nahauna nga bulan, sang pagkasunod nga tuig.

Maayong Balita nga Biblia (2012)

¹⁶ Ang mga bihag nga nagbalik nagbaton sang plano, gani si Esdras nga pari nagpili sang mga lalaki gikan sa pangulo sang mga kabarangayan kag ginsulat ang ila mga ngalan. Sa nahauna nga adlaw sang ika-10 nga bulan nagsugod sila sang ila pagpangusisa,

Ang Biblia (1982)

¹⁶ Niyan ang mga anak sang kabihagan naghimo sing subong. Si Esdras nga sacerdote, pati sang pila ka mga pangolo sang mga kabaranggayan, sono sa ila mga kabaranggayan, tanan sila sono sa ila mga ngalan ginpain. Naglingkod sila sa nahauna nga adlaw sang ikanapulong bulan sa pag-usisa sang butang;

Esdras 10:16 Křížové odkazy