Yaeuhdaq 1 - Sw dij Sen (kauq Noangz)

Yaeuhdaq Laiz Cinq Hawj Bihnongx Ndai

¹ Gux zawh Yaeuhdaq, zawh puj koij Yezsuz Jizduz, zawh goanz nongx zaiz Yaqgowh naeh. Gux laiz cinq hawj sowh puj dij Sen rongx maz nowngz dix naeh, sowh puj ndaej hawj dij Sen laux Dez ndaw fax nwh naeh, sowh puj dij Sen yaz yaq aeu hawj Yezsuz Jizduz naeh.

² Ngwz dij Sen zwzzwz gumx gaenqsu, hawj gaenqsu yuqvangq, hawj gaenqsu gaj laeng gaj ngaiq dix, nwh puj ndai.

Dij Sen Toj Chaenxfah Paenq Hoak Sowh Saeh Oangjangj Naeh

³ Paenq gux nwh naeh aj, daeq zwzrawz maz, gux dauq zawx yaengh zawx laiz cinq hawj gaenqsu, laemh sowh gaenq raeuz zaemh ndaej jeuq naeh. Gajlej gannaeh gux nwh maz, baenz laiz fung cinq naeh saengq gaenqsu goanq, saengq gaenqsu yauq cholaeng kauqjing caqsiq tip, hawj daenh ruxndeq kauqjing zawh hax gaeng singjringh, kauqjing koax daekgoanq dij Sen haeuz mbaeddoag aeu hawj dij goanz dix.

⁴ Unj, miz dij goanz lupliamx ndonj maz, zoq zawh sowh puj mboq aeu dij Sen nyaengxzaw naeh, sowh puj daeq ndowj maz dij Sen haeuz hax rux zoah chaenxfah naeh. Paenqdix hax dij Sen raeuz yumq doiq dij goanz ndae, paenqdix hax miz gaemz naeh lejzoq bae hoak sowh saeh oangjangj naeh. Gaenqraeuz lez sowh gaenq paenqdix hoak naeh zoq ruxndeq paenqdix goj mboq yinq zaeuj raeuz Yezsuz Jizduz zawh Zaeuj gvanx daengzle naeh.

⁵ Sowh gaenq baihdawj inxnaeh gux laemh naeh, hax lej hax gaenqsu ruxndeq nauq, gaj gux goj naengz daeuq daj gaenqsu hax mbaedmawq. Zwzndowj, Zaeuj jeuq dij goanz dix ni ndaw Aizjih, doaklaeng zoq ndaep sowh puj mboq sinq naeh.

⁶ Naengz miz tem, Bin dij Sen sowh goanz mboq hoak sownq hoakri, ni dih ndowj hoakri naeh, Zaeuj aeu tiksaed puk paenqdix kaeng dih ndaem naeh daengznauq, taj vaenz dwx dwx vaenz saenxpanq naeh.

⁷ Goj lumjzaq ndaw Soaxdozmax chaenh, Owhmoahlaz chaenh daj sowh puj yuq haenzhenz chaenh naeh, paenqdix hoak sowh saeh oangjangj naeh, puj zaiz haeggaj daj puj zaiz, puj nyingz haeggaj daj puj nyingz, hoak sowh saeh oangjangj naeh, zoq zoah sowh faez mboq rux ndaep daengznauq naeh chaenxfah, aeu gaenqnaeh hawj goanzlai hoak zaugvai.

⁸ Zawj su sowh puj paen'hwnz naeh goj daj paenqdix dungzlumj hawj ndang hoakri mboq saw, lezmboqqix qenhliq Zaeuj, moakndai sowh puj miz najta naeh, zoq zawh moakndai bin dij Sen.

⁹ Gaj daengz Mixzazlowh, laux gvanx bin ndaw fax naeh, zwz dix daj do gvanx dij pi naeh dungzjinj laeng ndang Moahciz naeh, Mixzazlowh naengz mboq ganz hax kauq hunh hwt do pi naeh, hax gaj: "Zaeuj haeggaj hwt mawz."

¹⁰ Gaj paenq goanz naeh paenqdix hax kauq hunh dwk sowh bin dij Sen paenqdix mboq ruxndeq zaeh naeh. Paenqdix hoakzaq ndaw zaw hoakri ruxndeq baenz naeh, daj sowh doihdo raeng hoak raeng goj mboq ndeq naeh dungzlumj, hoak sowh gaenq naeh hawj hoakri vaih.

¹¹ Paenqdix zoah yah! Unj, paenqdix daeq ka loh gaeuq Gaizyinx, goj cholaeng ngaenzjenz ej lenh mwz ka loh gaeuq Bazlanh ka loh loang naeh, goj daj Koaxlaz dungzlumj dix dij Sen, yaq zoah lown.

¹² Sowh dij goanz naeh paenqdix daj gaenqsu zaemh jin byaeuz zauqhoiq dungzgo zwzrawz, gaeng goj mboq ruxndeq mbu, paenqdix daj sowh tin yuq ndaw naemx rux bog lowz vaih naeh dungzlumj. Paenqdix zawh sowh puj dawz mbej tiag gaj gaenq hoakri imq naeh. Paenqdix zawh sowh pajfax mboq miz paen naeh, laemz baeuq bae rawz zoq bae rawz. Paenqdix zawh sowh maex maeg taeng zwz caeu goj mboq miz maeg naeh, zoah loak daengz goak daengz laeg, tai nauq.

¹³ Paenqdix zawh naemx ndaw haij sowh naemx fowd gaenqnaeh, fowd sowh fogfauz hoakri egcimz naeh maz. Paenqdix zawh sowh ndaundiq chaeg bae chaeg dauh naeh, hawj sowh puj maengx paenqdix naeh loang loh. Dih ndaem zumhzumh naeh aeu nyaengxtaj paenqdix daengznauq.

¹⁴ Lan Yaqdangz zoh daih jiat naeh goanz rongx hoak Yixnoah naeh zawxkauq dij Sen, dix ndaej hoakzaqnaeh laemh sowh dij goanz naeh, dix hax: "Su lez, Zaeuj zowz bin dix raengh mbukmbuk daeuj,

¹⁵ dix saenxpanq daengzle, chaenxfah daengzle sowh puj mboq aeu dix nyaengxzaw ej bae hoak loang naeh. Paenqdix cholaeng mboq aeu dix nyaengxzaw zoq hoak saeh ndog, hax kauq mbowq dix dix."

¹⁶ Sowh dij goanz naeh kwnzkwnz nyahdwk dij Sen, gvaiq dij Sen, ndaw zaw ceu hoak gaeng zoq hoak gaeng, baegbongz, tuh aeu gaenq daenh ej lup daenh.

Saengq Sowh Puj Caeu Cinq Naeh

¹⁷ Paenq gux nwh naeh aj, gaenqsu yauq nyen ndaej sowh kauq puj zawxkauq Zaeuj raeuz Yezsuz Jizduz koax daekgoanq hax naeh.

¹⁸ Paenqdix ndaej daj gaenqsu hax: "Jeh doaklaeng naeh toj miz sowh puj ngaiq kosaemj naeh, paenqdix mboq aeu dij Sen nyaengxzaw, ndaw zaw hoakri ceu hoak gaeng zoq hoak gaeng."

¹⁹ Zawh paenqdix coak daenh dungzbyaeg hoak dangq boangx, tw'zaw gaeuq hoakri, mboq miz minghkoan dij Sen.

^20-21 Gaj paenq gux nwh naeh aj, gaenqsu lej zawh sowh dij goanz dij Sen nwh naeh, gaenqsu yauq aeu diauq naeh nyaengxzaw, caqsiq yaz hoakri oaj. Yaz hoakri zoq zawh yauq yuq ndaw kauq jing zaehzaeh naeh dungz zau, maengx minghkoan dij Sen daj dij Sen hax kauq, ngwz taeng vaenz Zaeuj raeuz Yezsuz Jizduz cholaeng nwh raeuz ej aeu aen mingh daengznauq hawj raeuz naeh.

²² Mbangj goanz ndaw zaw naengz sinq mboq nauq, gaenqsu yauq zawchaej paenqdix.

²³ Paenqdix mbangj goanz daj yuq ndaw faez dungzlumj, gaenqsu yauq laeg paenqdix og maz, jeuq paenqdix. Paenqdix mbangj goanz gaenqsu yauq menq zawchaej paenqdix menq hem sowh gaenq paenqdix hoak naeh, daengz sowh ndangnungh paenqdix hoak sowh saeh oangjangj biad naeh gaenqsu naengz laek hoj saek'i.

Biangz Dij Sen

²⁴ Dij Sen miz najta dwx, dix rux yaz su mboq hawj su sitndit, hawj su mboq miz ijrawz pyauj, yaq hawj su faengz nyauznyauz in doqnaj dix.

²⁵ Mizgaj dix zawh dij Sen jing, dix hawj gaenqraeuz cho'mbaiq Zaeuj raeuz Yezsuz Jizduz ndaej jeuq. Ngwz gawz goj biangz gaj dix, yinq dix yan taeuq, yinq dix miz doakriangz dwx, yinq dix miz qenhliq, daeq zwzndowj maz taeng gannaeh, yaq mwz taengdiak daengznauq. Azmaenh.