Faezliqmaenh 1 - Sw dij Sen (kauq Noangz)

Le Bauxloah Laiz Cinq Hawj Le Faezliqmaenh

¹ Gux zawh Bauxloah, zawh goanz cholaeng koanx Jizduz Yezsuz zoah kaenglauz naeh. Gux daj bihnongx raeuz Tihmoaxtaiq laiz cinq hawj Faezliqmaenh goanz gaenqpiu nwh naeh goanz daj piu zaemh hoak najgaengx Zaeuj naeh,

² laiz hawj bihnongx nyingz raeuz Yaqfaezyaq, laiz hawj Yaqjizbuq goanz daj raeuz zaemh how Jizduz kux, hoakzaq bin naeh, laiz hawj zauqhoiq yuq ndaw rownz Faezliqmaenh naeh.

³ Ngwz Dez ndaw fax raeuz dij Sen daj Zaeuj raeuz Yezsuz Jizduz gumx su, hawj su yuqvangq.

⁴ Faezliqmaenh aj, gux daj dij Sen hax kauq laemh zoah mawz gaurawz, gux kwnzkwnz how mawz mbaiq dij Sen gux.

⁵ Unj, gux ruxnyinz mawz mizzaw sinq Zaeuj raeuz Yezsuz taeuq daj nwh paenq goanz dij Sen naeh taeuq.

⁶ Gux vanz dij Sen, hawj mawz cholaeng sowh gaenq gaenqraeuz zaemh sinq naeh ej hoak saeh ndae naeuz lai ux, hawj daenh ruxndeq gaenqraeuz hoak gaeng saeh ndae goj zawh cho Jizduz hoak.

⁷ Laux nongx aj, cholaeng mawz ngaiq dij Sen nwh puj ndai, cholaeng mawz hawj paenq goanz dij Sen naeh ndaw zaw daeuq ndaed raedraed, ndaw zaw gux faengz taeuq, ndaej byongz taeuq.

Bauxloah Saeh Aznihcizmaeuh Vanz

⁸ Baenzzaqnaeh baeghax yuq ndaw Jizduz gux nemz mawz hoak sowh gaenq mawz hoj hoak naeh zawh hohdih,

⁹ gaj cholaeng gaenqraeuz dungznwh, gux mboq zawx nemz mawz, gux venq vanz mawz. Gux Bauxloah hoak goanz puj jeq ux, hoak goanz cholaeng Jizduz Yezsuz zoah kaenglauz ux,

¹⁰ gux saeh Aznihcizmaeuh goanz yuq ndaw lauz byenqbaenz lug zaiz gux naeh vanz mawz.

¹¹ Koax daekgoanq dix doiq mawz mboq miz gaeng luq, gaj gannaeh dix doiq mawz doiq gux goj miz luq.

¹² Gannaeh gux nemz dix daeuq dauh mwz dih zawj mawz naeh. Gux nwh dix daj nwh hoakri dungzlumj.

¹³ Mbaednduq gux daz hawj dix yuq zawj gux, hoanx naeh jeh gux cholaeng koanx kauqfaengz Zaeuj zoah kaeng lauz naeh hawj dix daeb mawz zauzhuz gux.

¹⁴ Gaj naengz mboq ndaej cham mawz daekgoanq, gux zoq mboq zawx haeggaj hoakzaqnaeh. Hoakzaqnaeh mawz hoak saeh ndae, mboq zawh cholaeng miz gawz gaemh, zawh cholaeng mawz haeggaj venq.

¹⁵ Aznihcizmaeuh daj mawz dungzbyaeg ndauj ux, gux lez maz, mbangjzwz rux zawh cholaeng hawj mawz ndaej dix daengznauq.

¹⁶ Gannaeh mawz ndaej dix, mboq zawh daeg daeg ndaej goanz puj koij ux ah, zawh ndaej goanz ux dwx nyeuz puj koij lai mbyah, zawh bihnongx ndiang. Doiq gux maz hax, zawh ndiang baenzzaqnaeh zaeh, doiq mawz maz hax mboq gajfa ndiang mawx? Ka'ux yuq dihndin mawz zawh zaeuj dix, ka'ux su daengz song goanz zawh puj sinq Zaeuj.

¹⁷ Baenzzaqnaeh jixzawh mawz aeu gux hoak sowh goanz daj mawz zaemh hoak najgaengx Zaeuj naeh, vanz mawz zaemz dix, daj zaemz gux dungzlumj.

¹⁸ Dix hoak loang mawz gaeng, raj baznij mawz gaeng, zoq suanq nowto gux.

¹⁹ Gux toj boiz mboqyaq, gaenqnaeh zawh hoakri gux Bauxloah haeggaj laiz. Hax lumj gaengnaeh, gux mboq yungq daj mawz hax, daengz hoakri mawz goj baznij gux aen mingh mawz.

²⁰ Laux nongx aj, ngwz mawz yuq ndaw Zaeuj saeh gux hoak diauq naeh, hawj zaw gux yuq ndaw Jizduz daeuq ndaed raedraed.

²¹ Gux laiz cinq hawj mawz, gux ruxndeq mawz toj biak mboqyaq, goj ruxndeq mawz naengz rux hoak lai nyeuz sowh gaenq gux hax naeh.

²² Yaq goj vanz mawz saeh gux dox dih ndowj, unj, gux ngwz cho'mbaiq gaenqsu saeh gux vanz dij Sen, dij Sen hawj gux bae zawj su baenz.

Baih Laiz Cinq Naeh Cham Baih Caeu Cinq Naeh Yuqndae Mbaeuq

²³ Yixbazfuh goanz cholaeng Jizduz Yezsuz daj gux zaemh kaenglauz naeh cham mawz yuqndae mbaeuq.

²⁴ Yaq le goanz daj gux zaemh hoak najgaengx Zaeuj naeh, zoq zawh Maxkowh, Yaqlixdahgux, Dixmax, Luhzaz, paenqdix goj cham mawz yuqndae mbaeuq.

²⁵ Ngwz Zaeuj raeuz Yezsuz Jizduz gumx daengz paenq su, hawj zaw su yuqvangq.