3 Yoane 1 - Ziazia kekeapai

Sanango Gayo

¹ Gu bakumba fu Gayo nga badiangba, nga gu ko du nyemuko ti re ni rengo.

² Badiangba, mi nakpara ya apai nimangi amanga foro dunduko mo du zezeredi, wa apai namanga fu mbisimoro.

³ Bambiko rago angba angba ti re bakere, ho awirina aye ni ki du ni adezire ga rengo, a wa mo nata rogo rengo yo.

⁴ Bakere ngbarago ti re susi gi te re, ya mi gi pa awire i nita rogo rengo.

Tambuahe tipa ga Gayo weneringise

⁵ Badiangba, agu apai dunduko mo amanga fu awirina naye kura aringara yo nzunzu pai mo amanga.

⁶ I nga agu yo du ni adezire ga nyemuse barangba kanisa. I mo ka manga wenengaĩ niunda yo na gayo nduge ku mbata yo ku sangba sino Mbori yo.

⁷ Bambiko i andu mbiko gu Rimo re, i adia nga ga aGendiria ahe wa sa te.

⁸ Si du ka ani di ngbatunga agu yo ti ni ku gume re ani mongo du ti sunge na yo sa rengo.

Ga Dioturepe sogote

⁹ Mi ake pai fu kanisa, ono Dioturepe, nga gu ko nyemu du ni barumbatayo adu ti ko dagba yo yo ko adia nga rani ku gume te.

¹⁰ Si du ka mi ye ti ni, mi ki tingidi gu gako apai ko namanga, nigumba pai menemene sa rani ni gbegberẽapai. Ko azereda nga kuti ni te, ko adia nga awirina a tigako ku gume te, ko naza agu yo aza nakpi nyemu he, ki nibafu yo ku sa yo dagba kanisa.

Tambuahe tipa Demeturio

¹¹ Badiangba, ka oni wíriki nga gu pai gberẽ agberã ya, kina gu ngba angba. Gu ni namanga wenepai ni nga ga Mbori ni. Gu ni namanga gbegberẽpai ni abi nga Mbori te.

¹² Demeturio du aboro ni adezireko dũ, na rengo a ni tihe; ii, ani nga adezire a; mo ini aina ya gaani dezire nga rengo.

Yangara sanango aboro

¹³ Dungu apai nadu ngbare sa ke he foro, ono mi akpi nga nyemu ka ke he foro ni ime waraga na wiringua te.

¹⁴ Ono mi namaa bangire ti bi ro mbembedi ani ki fura nibi kpakpurani.

¹⁵ Zereda dú foro. Abadiangba sanango ro. Mo sanango Abadiangba ti rimoyo.