Masmur 150 - Yawa

AMISY ararimbe

¹ AMISY ararimbe! Amisy ararimbe no Apa tuna ri ndandinit rai! Apa vambunine rararimbe no naumo ntiti ntindimu rai!

² AMISY ararimbe weye Apa ana dave makokoive, AMISY ararimbe weye Apa kovo ntiti manakoe rave!

³ Tavuna ramawisy veano AMISY ararimbe, Itari anakoe muno itari mamaun raeyan veano AMISY ararimbe!

⁴ Airap ranepat wasarer indamu AMISY ararimbe, Itari raeyan muno suline ramawisy indamu veano AMISY ararimbe!

⁵ Ceracap mamaun yapapoambe veano AMISY ararimbe, Ceracap anakoe yapapoambe indamu veano AMISY ararimbe!

⁶ Koveamo anakotaro njayaisy tenambe wo AMISY ararimbe! AMISY ararimbe!