Genesis 6 - Yupik Bible

Yuut Assiiluciat

¹ Yuut amlleriut saggluteng nunamun, nasaurlurnek-llu irniangluteng.

² Ilaita qilagmiut tangrrait paniita kenegnartaciit cucukek'ngameggnek-llu nulirturluteng.

³ Tua-llu Ataneq qanertuq, “Yuk unguvamavkarngaitaqa tuquarkauluni taqumiin. Waken ayagluni unguvangaituq allrakut yuinaat arvinlegen (120) cipluki.”

⁴ Tamaani yugpagtangqellruuq nuna. Agayutem qetunrai kinguvengellruut yuut paniita irniaritnek. Tamakut alingyuilnguullruut niitnaulriaruluteng-llu.

⁵ Atanrem tangrrai nunam yui assiitqapiggluteng kesianek, umyuangcarluteng assiilngurnek caliarkameggnek.

⁶ Ciinllugguarauq ilulliqluni-llu yugmek pilillruciminek yirluku nuna.

⁷ Tua-i-llu Ataneq qanerluni, “Piunrirciqanka yuut piliallrenka, ungungssit mikellriit angelriit, yaqulget-llu, ciinllugguariima piliaqellrucimnek.”

⁸ Tau͡gaam Atanrem ilukegcitkaa Noah.

Noah

⁹ Waniwa Noah-mek qanemcit. Noah ellualriarullruuq canganarqutaunani kiimi yuullgutmini. Yuuluni pillgutekluku Agayun.

¹⁰ Qetunrarluni-llu pingayunek ukunek: Shem-aq, Ham-aq, Japheth-aaq-llu.

¹¹ Tau͡gaam ellam yui assiirutut Agayutem tangellrani, tamalkurmeng ilalkuurulluteng.

¹² Agayutem tangvallrani ellam yuin tamarmeng assiilnguq aturluku.

¹³ Agayutem Noah qanrutaa, “Umyuangua yuut tamalkuita piunrirnaluki, tamarmeng ellam yui arenqialata ilalkuurulluteng.

¹⁴ Angyarpali muragmek assilriamek uitavililuki ucii, taarrluku ilua elatii-llu.

¹⁵ Taktaluku yuinaat yuinaat, yuinaagnek malrugnek qulnek cipluku (450) it'ganernek, iqtutaluku-llu yuinaat pingayun akimiarmek cipluku (75) it'ganernek, yuinaak malruk tallimanek cipluku (45) it'ganernek quyigtaluku.

¹⁶ Qiliqiu angyarpak qacarnerin qilii tekisngavkenaku yaaltam avganek (18 inches). Qullilirluku malrugnek amilirluku-llu qacarnerakun.

¹⁷ Tangerrluku ulerpagcetqata'arqa nuna unguvangqellriit tamalkuita piunrirluki. Anerteqelriit tamarmeng piunrirciqut,

¹⁸ tau͡gaam akqutmek taquciiqua elpenun. Ekniartuci angyarpagmun, elpet, nulian, qetunraten, qetunrarpet-llu nulirrit.

^19-20 Angyamun-llu ekluki malruuqaqluki arnacaluq angucaluq-llu tamalkuitnek ungungssinek yaqulegnek-llu, nangenritniartut.

²¹ Qemagciluten angyam iluanun elpeci neqkarpecen̄ek, tamakut-llu neqkaitnek.”

²² Noah-m-llu Agayutem alerquutii tamalkuan aturluku tuaten piuq.