1 Peter 5 - Yupik Bible

Agayutem Katngautai

¹ Taumek ilaci ciulirnerulriani, wii ciulirnellgutevcen̄i, Christ-am-llu nangteqellran nallunairistiini, ucurnarqucian-llu pillgucirtekaani qarutaaramci,

² Agayutem qusngiyagai qaunqesqelluki, elpecen̄un tusngiita; qessamek-llu pivkenaci tau͡gaam tengrutekluki, akinguteklerkaat umyuaqevkenaku tau͡gaam piyuumiutekluki.

³ Atanrussaalriatun-llu pivkenaci, tau͡gaam ciuliqagtellriatun katngat akuliitni.

⁴ Qusngiliurten͞guneq-llu tekiskan nasqerrutmek ucurnarqelriamek pingciquci nalayuilngurmek.

⁵ Elpeci-llu ayagyuanerni niisngaciki ciulirneci. Tuaten-llu tamarpeci elpecen̄ek pivakevkenaci ilavci tungiitnun, “Agayutem inglukngaku ellminek pivakelria, ellmikutuulria-llu naklekluku.”

⁶ Taumek ellmikutuukici Agayutem unatain pinilriit aciatni, elliin piinanerpecen̄i nalugnauraaci.

⁷ Umyuarrlugcarnarqellriit elliinun ullauciki, aulukngaci elliin.

⁸ Ellangqerrluci pikici, pegg'arluci-llu; wani-wa inglukesteci tuunrangayak tarriterrlainaan, yugtutulitun marualriatun, pitarkaminek yuarluni.

⁹ Tamana inglukiciu, ukverpeciuggun asvaunaci, nallunrilavciki ukvellguceci nunami tamiini ayuqiinek cakviuruciatnek.

¹⁰ Tua-i-llu nangtequmarikuvci, Agayutem takumcutaqapigtellriim, ucurnarquciminun Christ-akun kelegtevci nutaraurciiqaaci, elkarrluci-llu piniriluci-llu.

¹¹ Ellii ucurnarili Atanrukili-llu akwanek akwanun, Amen.

¹² Silvanus-aaq, piciulria anelgutka igartekluku igaramci amllenrilngurnek makunek eguaqurnaluci nallunairnaluku Agayutem naklekutii piciulria asvailucirci.

¹³ Babylon-aamelnguut cucukumallgutevci umyuaqutmek tuyuraiceci, qetunrama-llu Mark-am.

¹⁴ Melugauci atunem kenkem piakun, uitanqegcitem nayurlici, Christ Jesus-aamelngurni. Amen.