Online Bible

Ɛbɛlyɔ 3 - Bible Iyansi

Yɛsu kan'söön Mɔsɛ

¹ Kyakin, atɔŋ in'kyɛɛl, bɛ baar làbye anà kab unsà làbeel a du, làsi an'kyän abe amu Yɛsu awà ntööm anà undweer a angaŋ a làkwikilà ifàkyään bi.

² Nde wà lää akà mbuur kun'si, asànaa kàkäl Mɔsɛ, udu a ndwà a Nzam yanswà.

³ Yàmɛnà naa làkoo a Yɛsu làŋàsöön là Mɔsɛ, asànaa un'tööŋ a ndwà, we anà ibyääl aŋàsöön ndwà ya ŋakwo.

⁴ Abun, ndwà yanswà ye anà un'tööŋ aya, kyekà Nzam wà un'tööŋ a indiir byanswà.

⁵ Kyekà Mɔsɛ kàkäl un'syääl a lää u ndwà a Nzam yanswà, ntɔn mutà imbäl a indiir kàlàtɛn Nzam ungö.

⁶ Wɛɛ Klistɔ wà lää asànaa Mwan, kà un'tswe a ndwà a Nzam. Ndwà ande ya yà bi, isàkal naa bi ban'kaar kam anà làkyän amu nde abyà ifàswaŋ bi ngaal.

Duu a Nzam ntɔn aŋàlàkwikilà

⁷ Kyakin, asànaa utɛnà Dweelà In'kyɛɛl: « Ŋàbà, isàkal naa bɛ lan'wem ndaa ande,

⁸ twon lan'bäm mpem abɛ asànaa utaaŋ bun'mbäär, ilä bun'sii u nsye ipɔl.

⁹ Akun ankaa abɛ ban'leŋ un'swey anà bàkyer an'sii, itàkal naa ba bàkyàman isal kàkyer mɛ

¹⁰ mbul an'kwem an'nà. Kyakin kàwem mɛ nkööl ayin nkyɛl, waa mɛ kàtɛn naa: "mpem aba yàmubwà ndwaŋ taaŋ lanswà, ba bàkwen anki muyöb undiir kàdilà mɛ akà ba."

¹¹ "Kyakin, uboo a nkyɛl amɛ, mɛ kàdi kyän naa: Ba bàsàbilà anki kà ikal a ngyöör kàlɔ̈n mɛ ntɔn ba!" »

¹² Atɔŋ, làkäl kà igyɛɛŋ, wɛy akà umwɛy uboo a bɛ ukɔ̈ɔ̈n akal anà mpem a mbe mpa aye anà làkwikilà ayà ikun'syeenà mutɔn Nzam a mɔ̈ɔ̈.

¹³ Wɛɛ, ilä byanswà, làpɛɛl ngwal bɛ a bɛ, itàkal naa taaŋ mbɔɔn ban'kwo mutɛn naa « ŋàbawà », ntɔn akà umwɛy uboo a bɛ man'be màkɔ̈ɔ̈n un'kur musà mpem ande bwoor.

¹⁴ Kyakin bi ibàŋàtüüb a Klistɔ, isàkal naa bi kan'kaar tii u ntsüü, kam alà kun'si bi u nsɛmà.

¹⁵ Kyakin, bàtɛn naa: « Isàkal naa ŋàbawà bɛ lan'wem ndaa ande, twon lan'bäm mpem abɛ asànaa bàkyer ataaràbɛ umpal bun'pɛ ba ngö. »

¹⁶ Abun, bànà bàmbäär Nzam, ungö bàwem ba ndaa ande? Nkye kà baar banswà kàtwey Mɔsɛ u Ngipiti anki?

¹⁷ Anà bànà nde kàwem nkyɛl mbul an'kwem an'nà? Nkye kà baar bàkyer man'be anki, waa bàkü u nsye ipɔl?

¹⁸ Abun, bànà nde kàdyeel kyän, mutɛn naa: « Ba bàsàbilà anki kà ikäl a ngyöör kàlɔ̈n mɛ ntɔn ba. » Nkye kà akà baar bàtön mukun'kyey anki?

¹⁹ Bi kan'man naa baar abà bàkwe anki mubilà kà ikal a ngyöör ntɔn ba bàkäl anki anà làkwikilà amu Nzam.

« Předchozí

další »

The Seed Company

Následuj nás:

Sponzorované odkazy

Reklamy