Matayo 28 - Anjili Ja Mattayo 1880

¹ Juma a mosi pe nimasile, jaiche juma apili, waiche Maryamu Magdalene ni Maryamu wa wili kulilola lilembe.

² Kwaliji kutetemela kwa kukulungwa, ligongo masoka ga Ambuje atuluiche mkwiunde, wajisile wanyingaliwile liganga pa mlango, ateme pe nani pakwe.

³ Waliji achionekaga mpela lipundugulu, ni itakulo yao yeswera mnope mpela theluji.

⁴ Wakulindilila watetemele kwa kwajogopa, waliji mpela kuua.

⁵ Masoka wajanjile, wasalile achakongwe, mkajiogopa mweji; ngwamanyilila mkwasosa Isa wasulibiwa.

⁶ Nganapagwa, ligongo ajuwiche, pa wasasile. Mjise, mlole pandu pa wagonilwe ambuje.

⁷ Mjende chitema, mwasalile wa kwajiganya wao, ajuwiche mkuua; nombe nao akwalongolele kwenda Galilaya; ni kweleko tiwaone, mlochesye, nasalile.

⁸ Watiosile kwa chitema pelembe asiene kujogopa ni kulinonyela mnope, wajawile kwa kutuka watagulile wa kwajiganya wao.

⁹ Pe waliji achiendaga watagulile wa kwajiganya wao, Isa ajisile wasalile, Salaamu! Wajisile wakamwile makongolo, wajineme.

¹⁰ Isa wasalile, mkajaogopa; mjende mkasalile achapwanga ajende Galilaya, ni kweleko kwatambone.

¹¹ Wewala pe waliji achiendaga, wakulindilila wajinjile ku musi watagulile wakohani wakulungwa malowe gose gatendeche.

¹² Waungene pampope ni achekulu, walangene, wapele achachanda ndalama sia kwenelasio,

¹³ wasalile, salaam, wa kwajiganya wao waiche pa kati chilo wajiwile pe twaliji uweji mkugona; ni liwali angapatile kugapilikana aga,

¹⁴ tutwalinje welewa ni titwalamye mweji.

¹⁵ Watosile ndalama wapanganisye mpela iwajiganisywe; gajenele malowe gelega mwayahudi mpika lelo.

¹⁶ Nombe nao wa kwajiganya likumi kwisa wawili wajawile Galilaya mpika litumbi liwalajisye Isa.

¹⁷ Wawene wajineme, wane walasile.

¹⁸ Isa wajisile wawelechete nao, wasalile, mbewile machili gose mweunde ni mchilambo;

¹⁹ jaulani, mwajiganya makosoyo gose, mwabatize kwa Lina lia Atati, ni lia Mwana,

²⁰ ni lia Roho Mtakatifu, mwajiganye akamule gose ga nalajisye; none ni pelepo pamope nomwe mowa gose mpika pa mbesi pa chilambo. Amin.