Amos 7 - Kalin Apo Dios

Masapol Ay Maipaleteg Nan Adi Menleteg 7:7-9

⁷ Dat wada kasin nan inpailan nan apo ken sak-en. Inilak siya ay tomatakdeg isnan sag-en nan menleteg ay alad ay gegen-ana nan paltik ay naiyosal isnan nangsapowanda isnan alad.

⁸ Danat kanan ken sak-en, “Amos, ay ngan nan iilaem?” Daket kanan en, “Nan paltik.” Danat kanan, “Siya na nan osalek ay mangipaila isnan kangawin nan ipogawko tay kanegda nan alad ay aped natood ay egay naisolot isnan paltik. Adiyak et pakawanen daida.

⁹ Awnit mabakas nan kad-an di men-et-etekan nan ap-on din si Isaac ya nan pagdaydayawan di Israelita. Patenggaek et nan mentolayan nan ali ay si Jeroboam.”