EkaYuda 1 - Incwadi Yeziba̔lo Ezingcwele 1864 1902 (Xhosa Appleyard)

¹ UJUDE, isicaka sika‐Yesu Kristu, nomninawe ka‐Yakobi, kubo ababiziweyo, bengcwalisiwe kutixo uyise, belondoloziwe ngo‐Yesu Kristu:

² Ububele, noxolo, notando lwanga lunganandiselwa.

³ Batandwa! ndisenza konke ukuku̔tala nje ukuba̔la kuni ngalo usindiso olulolwabo bonke, bendiba kufanelekile ukuba ndiba̔le kuni, ndiniyala ukuba ninyameke ukupikela ukolo olwanikelwa kwa kanye kubo abangcwele.

⁴ Ngokuba bengenile ngokunyebeleza abantu abatile, ababe kudala bebalulelwe okukugwetywa, abangabedeshiyo, ufefe lwotixo wetu beluguqule lube bubutshinitshini, nokupela kwenkosi utixo nenkosi yetu u‐Yesu Kristu bemkanyela.

⁵ Kodwa ndifuna ukunga ndinganikumbuza, nangona nise nikwazi oku, ukuba inkosi, seibasindisile nje abantu elizweni le‐Jipete, yati kamva yabubisa abangakoliweyo.

⁶ Nazo ingelosi, ezo zingagcinanga isimo sazo sokuqala, koko ziyishiyile eyazo intlalo, izigcinele umgwebo womhla omkulu ngemibambo engunapakade ngapantsi kwesitokotoko.

⁷ Njengokuba i‐Sodome ne‐Gomora, nezixeko zangakuzo, zizilahlele nje embulweni ngendawo efana nabo, ziputume inyama yimbi kanjalo, zibekelwa ukuba ngumlinganiso, zibuva ubuhlungu bomlilo ongunapakade.

⁸ Ngokunjalo noko ke bati ababapupi nabo, banco̔lise inyama, badele ubukosi, bagxeke abasebungcwaliseni.

⁹ Kanti u‐Mikaheli ingelosi enkulu, okuya epikisana no‐Satane ebepika ngawo umzimba ka‐Mosesi akalinga ukuzisa ngakuye isincetezo sokugxeka, koko watshoyo ukuti: Inkosi maikutetise.

¹⁰ Kodwa bona aba ezozinto abangazaziyo bayazigxeka; nezozinto abati, njengezilo ezingatelekeleliyo, baziqonde ngemvelo, ngazo ezi bayazonakalisa.

¹¹ Hai nbunzima babo! ukuba behambile endleleni ka‐Kayine, bagalelekela elulahlekweni luka‐Bilame ngenxa yomvuzo, babuba ekupikeni kuka‐Kora.

¹² Bona aba bazizidyobo ezidlweni zenu zotando, besitya nani emitendelekweni bengenakwoyika, bezondla bona: bangamafu angenamanzi, equ̔tywaqu̔tywa ngumoya; bayimiti epululekileyo, ingenaziqa̔mo, ifile kabini, idonyulwe ngengcambu;

¹³ bangamaza alwayo olwandle, eke̔puza awawo amahlazo; bazinkwenkwezi ezibangazekayo, ekugcinelwe zona isitokotoko sobumnyama kude kube ngunapakade.

¹⁴ Kanjalo u‐Enoki, owesixe̔nxe emva kwo‐Adame, wabaprofiteshela nabo aba, esiti: Bona ke, inkosi yeza inamawakawaka abangcwele bayo,

¹⁵ ukwenza ukugweba ngakubo bonke, nokuvisa ityala bonke abangabedeshiyo pakati kwabo ngazo zonke izenzo zabo ezingabedeshekileyo ababezenzile ngokungabedeshi, nangazo zonke izinto ezilukuni ababezitetile ngakuyo aboni abangabedeshiyo.

¹⁶ Bona aba bangabaṙoṙayo, bangabeyayo, behamba ngokwenkanuko zabo; abamlomo uteta amazwi okuzidla, bebeka abantu ngenxa yenzuzo.

¹⁷ Kodwa nina, batandwa! kumbulani wona amazwi abetetiwe pambili ngabo abapostile benkosi yetu u‐Yesu Kristu;

¹⁸ ukuba bebesiti kuni kuya kubako abahleki exesheni lokugqibela, behamba ngokwezabo inkanuko ezingabedeshekileyo.

¹⁹ Ngabo aba abazahlukanisayo, bengabobuntu bodwa, bengenaye umoya.

²⁰ Kodwa nina, batandwa! nizaka nje pezu kwokolo lwenu olungcwelekazi, nitandaza kumoya oyingcwele,

²¹ zigcineleni elutandweni lukatixo, nibulinda ububele bayo inkosi yetu u‐Yesu Kristu bude bube bubomi obungunapakade.

²² Abanye ke okunene yibani nobubele kubo, nisahlula;

²³ abanye kodwa basindiseni ngokwoyika, nibahlasela emlilweni, niyitiya nengubo edyojiweyo yinyama.

²⁴ Kekaloku kulowo unamandla okunilondoloza ningenakuku̔beka, nokunimisa nimsulwa pambi kwobungcwalisa bake eluvuyweni olukulu,

²⁵ kokupela kwolumkilevo utixo umsindisi wetu, makubeko ubungcwalisa nobukulukazi, amandla negunya, nakaloku nakude kube ngunapakade. Amene.