Titus 1 - WAKALATA WANO WALI

¹ E kalata wee wafuma kwe Pauli, umuwomvi wakwe Leza swinya umupostile wakwe Yesu Klistu, Nasozilwe ntumwa kukwavwilizya isuwilo lyawapostile wakwe Leza ukuti mbakolelele mwisambililo lyakusimi­chila lyi Kleziya litu,

² ukuti walolela uwumi wamuyayaya. E Leza wino atanga awipe uwufi, watulayilizizye uwuminye wowo pano insi itani itu­mbulwe,

³ swinya watuwumbulizile amazwi yakwe pampindi nzipile. Vyo­nsinye vyoo vyalemesilwe kwenene, swinya nkuwumbula nukukomelezwa nu Leza e Katula witu.

⁴ Nkuwalichila Taitasi, umwanane­nye uwakusimichila isuwilo lino swensi tuli nalyo nasimpika mwakwe weliwe. Sivyo e Leza Umukwasi nu Klistu Yesu e Katula witu akufwile inkumbu akupe numutende.

Umulimo wuno Taitasi wawomvile mu Krete

⁵ Nakusizile mu Krete alyakuti usyale ukuyania ivintu vino vyasyazile nanti kuchita, nukulasika wasongo wachi­wanza chi Klezia mutwaya tonsi. Yizu­kanga vino nakukomelezizye:

⁶ esongo wi Klezia wazipila awa amuntu wino asi nakasinza: uwamwanachi wenga, swinya wino ali nawana wane wakasu­wila wano wasi nulumbili luwipe awa­lunkalwe nichilumba.

⁷ Esongo atazi­pila awa nakasinza amuno walasikwa pamulimo wakwe Leza. Atize awayitu­tuwalika nanti akusamalila ukuvitwa, nanti akukolwa, nanti awalombwa, nanti akufunuka,

⁸ Wazipila awe we­kapochelela waweni uwakukunda ivi­zima. Umutechele, wino akachita ichete, umulungamane, uwamyata mizima.

⁹ Wazipila ukulemasya amazwi masuwilwa yano yayana nisambilizyo lyi Klezia. Ndiwawa numwatanye woo angamanya ukusimpisya wanji nisa­mbilizyo lyakusimichila, mbali nuku­myalalika wano wali nimipanzi.

¹⁰ Amuno kuli wachipiluka wamwi awavule wano wakachenjezya wanji nuwuwipe wawo, nkani-nkani wane wafuma muchipepelwe cha chi Yuda.

¹¹ Chazipa ukuwalesya ukuvwanga, amuno wakavulungania iviwanza vyo­nsi pano wakuwasambilizya amasa­mbilizyo yano yatayana, alyakuti wa­zane indalama. A chansoni!

¹² Wumwi umwina Krete, wino walinji amutumwa, wino wavwanganga akuti, Awina Krete wonsi awachawufi, avinyamana vyavye­vyavye, awalilichisye awakata.

¹³ Uku­panichisya kokonye akwakusimichila. Achaleka wazipila ukuwakalipila nka­ninye, alyakuti isuwilo lyawo liwome,

¹⁴ watazipila ukupechela kumilumbe yachiYuda nga nakumasundo yawuntu yano yakafuma kuwantu wano waka­piluchila ukusimichila.

¹⁵ ivintu vyonsi aviswepe kwewano waswepa; ukuwa kwakwe wano wakombela nawano wasi nisuwilo kusi ichiswepe chimwi, amuno amana yawo nintwitwinye vyakombela.

¹⁶ Wakavwanga wakuti wamanya Leza, ukuwa imilimo yawo ikawakanuzya. Awalupato nichilumba, wane watanga wawombe ichintu chimwi chizima.