Philippians 1 - WAKALATA WANO WALI

¹ E Kalata wee wafuma kwe Pauli nu Timoti, awawomvi wakwe Klis­stu Yesu— Ku wantu wakwe Leza wonsi wane wikala mu Filipi, wane wali nisuwilo mwakwe Klistu Yesu, nakwe wasongo wi Klezia nawakayamwite:

² Sivyo e Leza e Tata ni Mfumu yitu e Yesu Khstu awawafwila inkumbu nukuwapa umutende.

E Pauli apepela awina Filipi

³ Nkuwasaifizya kwakwe Leza wa­ne penye ndinawizuka;

⁴ impindi zyonsi zino nkawapepela mwensi, nkapepa nichimwemwe,

⁵ amuno mwanjavwili­zya ukuwomba umulimo wilandwe zima kutaluvile, pano mwalile amutalichila ukufika nakanonzi.

⁶ Achaleka nku­panichisya nukupanichisya nkuti: e Le­za, wino watalisile umulimo wuzima woo mwakwe mwemwe, wandi aleke wulandalile wusuke wize wusile pawanda wakwe Klistu Yesu.

⁷ Penye nkawizuka mumwezo wane! nga pakuchita awo­nye-woo, nkachita ichete. Amuno mu­kakwavwana nani nkaninye mumulimo wonye-woo wuno Leza wampa, naka­nonzinye pano indi muvingololo na­palyanye pano wandechelezizye ukuti nkawilange Ilandwe zima ninsimpo zyonsl.

⁸ Leza weni amanyile kuno chi­no nkutaka achakusimichila pano nkuti indi nichiluka kwakwe mwemwe mwe­nsi nkaninye chino chikufuma mumwe­zo wakwe Klistu-nye umwenecho.

⁹ Ipepo lyane lino nkuwapepela alyoo: nkuwapepela ukuti ulukundo lwinu lulandalile ukukula lulange luka­kula, mbali nukumanyichisya kwenecho nukuwa nipanzyo lyakusimichila,

¹⁰ pe­ni apano mungamanya ukusola chino chiyine. Apano mulilufuma kuwiwipe wonsi nakwisumbichilwa pawanda wa­kwe Klistu.

¹¹ Muliwa nimiwele mizima nimyata yawuzima wonsi wuno wuka­fuma kwakwe Yesu Klistu wenga-nsu awuleka Leza awachindamikwa nukulumbulwa.

Nenji uwumi wane we Yesu

¹² Wanawitu, nkasi mumanye, kuno ivintu vino vyamponezile, vyalandalizya Ilandwe zima kutaluvile.

¹³ Achaleka wakalindilila wonsi awakwisano na­wanjinye wonsi wane wali-paa wama­nya kuno nanyepwa muvingololo muno nemuwomvi wakwe Klistu.

¹⁴ Nuku­nyepwa kwane muvingololo kwaleka awanawitu awavule walunduluka nkani mukusuwia Klistu, achaleka walutilizya ukusinama impindi zyonsi wakuwizya­nga Ilandwe zima nanti ntete.

¹⁵ Ukuwa kweni wamwi wakawila Klistu amuno wali nuwuzuwa mbali nimpokoto, ukuwa wamwi wakawila nimyezo yawo yonsi.

¹⁶ Wanye waa we­ni wakawila nulukundo, amuno wama­nya kuno Leza wampa umulimo waku­chinjilila Ilandwe zima.

¹⁷ Ukuwa wa­mwi wasiwila Klistu nimyezo yawo yonsi, wali nimipanzi mitupu; wakulo­nda ukunkatusizya amatamyo nayanji pano indi muvingololo.

¹⁸ Kusi umulandu! Nenji achimwe­mwe chitupu—ndi Klistu akuwizwa mumwata wonsinye, chingatenga ndi wangambipizya pamwi wasimichile. Na­ndi ndange nkusechela,

¹⁹ amuno ma­nyile muno amapepo yinu yano muku­mpepela nukwavwa kuno kukufuma kwakwe Muzimu wakwe Yesu Klistu nandi nsapulwe.

²⁰ Ukulondesya kwane ukukulu nukulolela kwane akwakuti ntalitela mpotwe ukuwomba umulimo wane, ukuwa impindi zyonsi, nkani nkani impindinye yoo yeni, nandi ndutilizye ukusinga, alyakuti numwezo wane wonsinye ndeke Klistu achindi­kwe, chingatenga ngawa nuwumi nanti ngafwanye mfwange.

²¹ Amuno ng'uwumi wanenye wowo achani? Ukuwa nenji uwumi wane we Klistu. Apano imfwa nayo, yazipa yalusya.

²² Ukuwa ndi ingalanga nemumi ingalanga nda­ndalizile numulimo wuzima, peni nta­manyile nachino ngasola. Nazutwa konsi-konsi.

²³ Nkulondesya nkani­nkani ukuti ukutawula uwumi wane nkawange nu Klistu, chino achili chi­ntu chizima ukulusye;

²⁴ ukuwa muno amwemwe, achizima ukuti ndange ne­mumi.

²⁵ Nachawuzimanye, manyile kuno nalanga ndipo. Ndange njisile namwe mwensi, alyakuti mbonjelezye ukulandalila mbali nkukula mwisu­wilo.

²⁶ Achaleka muno anene muwatumvya Klistu Yesu mulutilizye pano niza nikala namwe swinya.

²⁷ Achaleka kanonzi, aleni lekani imiwele yinu iwe ndivino Ilandwe zima ilyakwe Klistu lili, alyakuti chingatenga nditwiza twalolana pamwi pole, njize ndange nkwivwa kuno mwasyanjisya nukulonda ukulikonga, muwalwisya apaliponga, nukulonda konga, muno akusuwila kwilandwe zima.

²⁸ Mutize muwatina awalwani winu; ukuwa mu­wasinga penye, chochonye achino chi­liwalanjizya kuno walichimba, namwe muchimvye, amuno we Leza awino akuwapanga amaka yakuchimvizya.

²⁹ Amuno mwapwa ulongo lwakuwo­mbela Klistu, ukuwa ukusuwila mwa­kwe weliwe kutupu pole, nkandi nuku­muyimbilanye.

³⁰ Ngapano mungatela mukulwisya apaliponga nani. Ukulwa­nye kuno mwambweni nkulwa pakuta­lika akuli kokonye kuno nchili nkulwa nilelo, ndimuno mukwivwila.