Matheyo 4 - Emakhuwa Bible

Weereriwa wa Yeesu

¹ Yeesu aakuxiwa ni Munepa aronghiwaka onikareni weera eereriwe ni Diyabu*.

² Vahoolo wa otthuka amalihaka othana ni ohiyu miloko mixexe, aavoliwa etala.

³ Namweerera aamukhuveela ni aamweerela: “Weyo waari Mwaana a Muluku, olamule maluku ala weera ethatuwe yooca.”

⁴ Yeesu aamwaakhula: “Yoolempwa: ‘Mutthu khankhala ni okumi niwoko na yooca paahi, mene na masu ootheene aangwa wa Muluku.’”

⁵ Vano Diyabu* aamurongha Yoowo osidade yootteela, anamwiikaathi vanankatthani a Empa ya Muluku, anamweerela:

⁶ “Waari Mwaana a Muluku, wiivonyere vathi va, niwoko yoolempwa: ‘Owo anaalamule andyelowaawe weera yookhapeleleni, ni awo eniyoovareleni ni matata weera muhikwattule mwetto ni maluku.’”

⁷ Yeesu aamwaakhula: Yoolempwatho: ‘Muhiweerere Apwiya Mulukwaanyu.’”

⁸ Diyabu* aamukuxatho Yeesu amurowanaka vamwaako woorakama vancipale, ni aamoonihera omwene wootheene wa elapo ya vathi ni ovuwawaya,

⁹ eeraka: “Sootheene iya nkoovahe Weyo wakikokhorela ni wakilapa.”

¹⁰ Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

¹¹ Vano Diyabu* aamuhiya Yeesu, ni andyelo yaahoowa, enamurumeela.

Yeesu onoopacera olaleiya

¹² Yeesu iiwalaawe weera Yohaane aawaleliwa okaliposo, aahokoleela oGalileiya.

¹³ Avenyaka oNasarete, aarowa okhala oKafarnawu, okhwipi wa ephareiya, mweelaponi ya oZabuloni ni oNafitali,

¹⁴ weera akwanihere seiye aaleeliwaawe ni mprofeeti Yesaya:

¹⁵ “Elapo ya oZabuloni ni elapo ya oNafitali, ephiro ya mphareiyani okhopela wa oYordanu, Galileiya a amalapo:

¹⁶ Muloko wa atthu waakhala mpiphini waahoona waara otokotoko. Waara waahaarweela atthu yaakilaathiye wa elapo ya munttuusi wa okhwa.”

¹⁷ Vahoolowaya Yeesu aapacera olaleiya: “Murukunxe mirima, niwoko omwene wa wiirimu wookhuveela.”

Yeesu ongwiitthana oohusera oopacera

¹⁸ Eettaka mukerekhere wa ephareiya ya oGalileiya, Yeesu aawoona axunna eeli: Simeyoni iitthaniwa Pedru, ni munneiye Andreiya. Awo yeera evonyeraka itthavi sa ihopa mphareiyani, niwoko yaari anamatothela a ihopa.

¹⁹ Vano Yeesu aaweerela: “Mukitthare, ni Miyo kinimootatuxani anamatothela a atthu.”

²⁰ Woowaakuveya yaahiya itthavisaya ni yaamutthara.

²¹ Eettaka wookela ohoolo, Yeesu aawoona axunna eeli akina: Yakobe, ni munneiye Yohaane, anamwane a Zebedeyo. Awo yaari munikulani ni atithaya, erehereraka itthavisaya. Yeesu aawiitthana,

²² ni woowaakuveya awo yaahiya itthavisaya ni atithaya, enamutthara Yeesu.

Yeesu onxuttiha muloko ni onaalamiha aretta

²³ Eetteettaka oGalileiya, Yeesu aahusiha muSinagoganimwaya*, alaleiyaka masu ooreeraxa ni alamihaka makhwatta ni iretta sootheene sa muloko.

²⁴ Saahuulummwa sa Yoowo ni elapo yootheene ya oSiriya. Yannangwiihera atthu ootheene yaahaawa ni iretta sincipale soonanara. Akina yaarino minepa soonanara; akina yaarino ecilecile, ni akinatho yaari ooheetta. Vano Yeesu aahaalamiha ootheene.

²⁵ Atthu ancipale yaamutthara, ekhumaka oGalileiya, oDekapoli, oYerusaleemu, oYudeiya ni okhopela wa oYordanu.