1 तीमुथियुस 1 - वऱ्हाडी नवा करार

अभिवादन

¹ मी, पौलूस, आपला तारणहारा अन् ख्रिस्त येशूच्या अन् देवाच्या अधिकाराच्या व्दारे येशू ख्रिस्ताच्या एक प्रेषित हावो, ज्याच्यात आपल्याले आशा हाय, हे पत्र तीमुथियुस तुले लिवत हावो, जो विश्वासात माह्या खरा पोरगा हाय.

² देवबाप अन् आपला प्रभू येशू ख्रिस्त तुमाले कृपा, दया, अन् शांती देवो.

खोट्या शिकवणुकीच्या बाऱ्यात चेतावणी

³ मी मकिदुनिया प्रांतात जातांना तुले विनंती केली होती कि इफिसुस शहरात राऊन त्या खोट्या शिक्षकायले सांग कि खोटी शिकवण देणे बंद करा.

⁴ अन् त्या काल्पनिक कथेवर अन् वंशावळ्याच्या लांब सूची वर ध्यान देऊ नको, त्याने मतभेद उत्पन्न होतात, पण देवाचे ज्ञान मिळत नाई, जे विश्वासावर आधारित हाय.

⁵ माह्यी आज्ञा देण्याचा हा उद्देश हाय, कि तुमी एकादुसऱ्यावर शुद्ध मनाने अन् चांगला विवेकाने अन् निष्कपट विश्वासाने प्रेम करा.

⁶ काई लोकं या रस्त्याले सोडून बेकारच्या वादविवादा मध्ये भटकले हाय.

⁷ ते मोशेच्या नियमशास्त्राचे शिक्षक होण्याच्या दावा करतात, पण ते ज्या शब्दाचा उपयोग करतात, अन् ज्या विषयावर एवढे महत्व देतात, त्या गोष्टीले स्वता त्यायले समजत नाई.

⁸ आमाले माईत हाय, कि मोशेचे नियमशास्त्र उत्तम हाय, जर त्याचा उपयोग चांगल्या प्रकारे केला जाईन तर.

⁹ हे तुमाले माईत हाय, कि मोशेचे नियमशास्त्र धर्मी लोकायसाठी नाई, पण धर्माचा विरोध करणारे अन् निरंकुश लोकायसाठी भक्तीहीन अन् पापी, अपवित्र अन् अशुद्ध, माय-बापाले ठार मारणारे, अन् हत्यारे,

¹⁰ व्यभिचारी, पुरुषगामी, माणसायले ईकणारे, खोटे बोलणारे, खोटी शपत खाणारे, यांचासाठी हाय, अन् जे खऱ्या शिकवणीच्या विरुद्ध हाय, अन् जर काई दुसरे अशीन तर त्यायच्यासाठी पण हाय.

¹¹ हे शिकवण सुवार्थेवर आधारित त्या गौरवाच्या बाऱ्यात हाय, जे धन्य देवाची हाय. देवाने मले ते सुवार्था सोपली हाय.

पौलूसची साक्ष

¹² आपल्या प्रभू येशू ख्रिस्ताचा मी धन्यवाद देतो, ज्याने मले शक्ती देली हाय, अन् मले विश्वासयोग्य समजून आपल्या सेवेसाठी निवडलं हाय.

¹³ मी तर प्रभू येशू ख्रिस्तावर विश्वास करायच्या पयले ख्रिस्ताची निंदा करणारा होतो, अन् ख्रिस्तावर विश्वास करणाऱ्यायले सतावनारा होतो, अन् क्रूरता पूर्वक व्यवहार करणारा होतो; पण माह्यावर कृपा केली गेली, कावून कि ख्रिस्तावर अविश्वासाच्या कारणाने मले हे मालूम नाई होतं कि मी काय करून रायलो हाय.

¹⁴ आपल्या प्रभू येशूने त्याची कृपा भरपूर पणे माह्यावर ओतली, अन् सोबतच तो विश्वास अन् प्रेम पण जे आपल्याले येशू ख्रिस्ताच्या व्दारे भेटते प्राप्त झाला.

¹⁵ हि गोष्ट विश्वसनीय अन् पूर्ण पणे मानण्याच्या योग्य हाय, कि येशू ख्रिस्त पापी लोकायले वाचव्यासाठी जगात आला, अन् त्यायच्यात सगळ्यात मोठा पापी मी हाय.

¹⁶ पण देवाची दया माह्यावर झाली, कि माह्यासारख्या अत्यंत पापी माणसावर येशू ख्रिस्ताने सहनशीलता दाखवली, कि त्या लोकायसाठी एक उदाहरण प्रस्तुत करावे, जे अनंत जीवन प्राप्त करण्यासाठी त्याच्यावर विश्वास करतीन.

¹⁷ आता सर्व काळापरेंत राज्य करणारा राजा जो कधी नाश होतं नाई, अन् अदृश्य हाय, अशा एकाच देवाचा सन्मान, अन् गौरव सदा सर्वकाळासाठी होतं राहो. आमेन

तीमुथियुसचे उत्तरदायित्व

¹⁸ माह्या पोरा तीमुथियुस, हे माह्यी आज्ञा हाय जे मी तुले देत हावो, जे भविष्यवाणी पयले तुह्या बाऱ्यात झाली हाय, त्याच्या अनुसार मी तुले हा भार सोपवून रायलो हाय; तू त्यापासून शक्ती प्राप्त कर, अन् विश्वास अन् शुद्ध मनाने भरून खोट्या शिकवणीच्या विरुद्ध चांगली लढाई लढ.

¹⁹ काई लोकायन आपल्या अंतकरणाच्या आवाजाचा तिरस्कार केला, अन् या कारणाने, त्यायचा ख्रिस्तावरचा विश्वास नष्ट झाला.

²⁰ त्यायच्यातून हुमिनयुस अन् सिकंदर हाय; मी त्यायले सैतानाच्या ताब्यात देले, ज्याच्याच्यान त्यायनं हे शिकवण घ्यावी कि देवाची निंदा नाई करायले पायजे.