Ырлар 14 - Ыдыктыг Библия

Мизмор-ыр. Давидтии.

¹ Дээрги-Чаяакчы! Кым Сээң өргээ-майгыныңга чурттап шыдаарыл? Кым Сээң ыдыктыг дааңга турумчуп чурттаарыл?

² Чүгле арыг шынчы оруктар-биле чоруур, чөптүг чүүлдер кылыр кижи;

³ сеткилиниң ханызындан шынны чугаалаар, аксы-дылы-биле нүгүлдевес, өске кижиге бак чүве кылбас, чанында кижини бак атка киирбес кижи;

⁴ Бурганның тооп көрбээн улузун куду көөр, Дээрги-Чаяакчыдан коргар улусту мактаар, бодунга хора чедирги дег-даа даңгырак бергеш, аксы-сөзүн ээлээр кижи;

⁵ акша-мөңгүнүн чээлиге бергеш, ажык-кончаа дилевес, буруу чок кижиге удурланыр дээш хээли албас кижи. Ынчаар чурттап чоруур кижи кезээ мөңгеде тендиш дивес.