Ырлар 13 - Ыдыктыг Библия( Ыд. ыр. 52 ) Хөгжүм башкарыкчызынга. Давидтии. 1 Тенек кижи сеткил-хөңнүнге «Бурган чок» деп түңнел кылган. Ындыг улус самыыраан-дыр, чүдек-бужар херектерни үүлгеткен-дир; буян кылып турар кижи тывылбаан-дыр. 2 Дээрги-Чаяакчы дээрден кижи төрелгетенче, «Бурганче чүткүп турар сарыылдыг кижи бар бе?» дээш, куду алзы топтап көрген. 3 Шупту улус Бургандан ойталап, шупту бир аай будалган болган; буян кылып турар кижи тывылбаан – чаңгыс-даа кижи чок болган. 4 Бузут үүлгедип турар бүгү улус черле угаан кирбези ол бе? Олар мээң чонумну аъш-чем ышкаш сыырып турар-дыр база Дээрги-Чаяакчыга мөргүвес-тир. 5 Олар күштүг коргуушкунга алзып аар, Бурган чөптүг-шынныг улустуң талазында болгай. 6 Ядыы кижиниң күзел-бодалын чүү деп-даа бодавас-тыр силер, а ооң хоргадалы – Дээрги-Чаяакчы! 7 Сион дагдан Израильдиң камгалалы чедип келзин! Дээрги-Чаяакчы Бодунуң чонунга эки чолду эгидерге, Иаков өөрүп-байырлаар, Израиль өөрүп-хөглээр. |
© Институт перевода Библии, Москва, 2011
Institute for Bible Translation, Russia