SAKARI 4 - Le Bible en Tupurri

Mbuëgi nen ma de dwee no: Fen heer lampan wo de koore olife wo no

¹ Je peele Baa maga hay ti waçaçre de äi mono kal ferge le, day kal puçy mege go do jobo maga aè puçyn le go ti naa nono.

² AÀ kal wii mege ga: Ndo ko na diñ may ne? Ndi kal fer waçaçre ne hen ga: Fen maga ndi de koge äe mono, aà diñ fen heer lampa maga go de joñge äuy de boo biñni, de mo ma kag feçeçre le go de kañge ciñ ti äe, day de jag do ma heer lampa ti ni renam maga wo wo go ciñ ti äe.

³ Koore olifiye ti jeñ mo ma hag lampan äoge, boñ ti äañ ware, boñ ti äañ guuri.

⁴ Ndi kal mañ waçaçre tigriñ, ndi wii je peele Baa maga hay ti waçaçre de äi ga: Sen mono diñ maysela Wañ äi no?

⁵ Je peele Baa maga hay ti waçaçre de äi la kal fer waçaçre me ga: Ndo bay de koge ga aà na diñ maysela wa? Ndi day gano: Baywa, wañ äi no.

Waçaçre maga Manwur ngaä ne go ti Sorobabele

⁶ aà kal ferge mañ waçaçre day wii me ga: AÀ mo ta' la diñ waçaçre maga Manwur fern ne Sorobabele ga: Sen bay diñ de eegre horog wa lay, bay diñ de eegre ma äil wa lay, ama diñ de Nenterse äi, Manwur Pantway waçaç dosen nono.

⁷ Huuli ma kluu no, ndo diñ wosela? Ndo ra'ge yañ go pel Sorobabele. Day huuli ma ti tawn kal ge yañ le go see äo ti holañ ma'ge do wo. Suse' suse' ne hene.

⁸ Manwur kal fer waçaçre me do kay nono ga:

⁹ De äo' wer tiñ sen mo ka' la diñ Sorobabele de do äe day, aà äo' ge jag äe yañ go diñ se de do äe pa, day ndo ko ge yañ ga Manwur Pantway äo' me le see äay.

¹⁰ Hay feg ti wur maga joñren hay de tï¡ï¡ wer me' me' ëa mono diñ wo la? AÈ joñge fruygi yañ, de maga aè ko Sorobabel we de saale ma ngaä de deele tiñn do kay mono. Ma renamn wo mo haç' diñ nen Manwur wo, maga rañ wo go ti tamsir äuy mono.

¹¹ Ndi kal mañ waçaçre, ndi wiin ga: Olifiye ma äog ma ti jeñ mo her lampan wo, ga boñ ti äañ ware, boñ ti äañ guur mono diñ may wo lay la?

¹² Ndi kal mañ waçaçre tigriñ ma de äog pa, day ndi raw wiigi äe ga: Jag do Olifiye ma äog maga wo de corge ti jeñ jag tu boo biñni maga boo biñnin yuu wo go ni mono diñ may lay la?

¹³ aà kal fer waçaçre me day gano: AÀ wo na diñ maysela na ndo kon gaa? Ndi kal waçaçge ga: Baywa wañ äi no.

¹⁴ AÀ day ga: AÀ diñ jar ma äog ma de kaa noo ti maga wo de lagge go ti deele pel Wañkluu ma ti tamsirn äuy mono.