JOSUWE 20 - Le Bible en Tupurri

Äi leege ma hiira' ma yaçë wañ wo

¹ Manwur kal wii Josuwe gano:

² Wii jar Israyel wo gano: Bag wee äi leege ma yaçë wañ wo do maga ndi hay wii Moyis ga aà mo fern wee nono.

³ Je maga ii huli we re' gaa, ga do äe raw ne hen rawge no, aà mo dañ wo go yaçaç wañ ni do je sa' hee no.

⁴ Je ii hulin la dañ wo go äi leege po yoo äaara. Se wo la oo jag feele äi leegen deñ day se fer waçaçre äen ne jar kluuri ma äi leegen wo ni. Saara ëawn ge yañ äiñ äaara ni kay day saara haç ngeel ne hen maga aà mo laa tiñ ni.

⁵ Hayga je sa' heen mañ blam äe we le no, saara naa nen je ii hulin go ne hen gaa werga aà ii hulin re' gaa day se hay bay go de äe seäaa äil wa lay.

⁶ Je ii hulin hay wo äi leege sen ni haçaç aè wo go cag ree äen pel ngaäan no, haçaç je sië jag maga hay ti kal sen ni hu go ëa. Blam sen mokay se fer ge mbe liñ ni äe äi leege maga se hay ëee le go ni mo so no.

⁷ Saara kal ba Kedes ti prog ma Galile wo ti huuli ma Neftali no, ba Sikem ti huuli ma Efrayim no, ba Kiryat-Arba maga diñ Hebroñ ti huuli ma Juda no.

⁸ Wo go faale Jurdeçeç ma äañlan nen wur bo toñ Jeriko mono, saara kal ba Betser wo ciñ ti ngeel ma de mañge ciñ ma äil puuli no, ti tway mani Ruben no. Saara baa pa diñ Ramod äil sir Galaad ti tway mani Gad no, diñ Golan äil sir Basañ ti tway mani Manase no.

⁹ Wo mo na diñ äi leege maga aè bag ra ne jar Israyel wo de waare ma yoo äaaran wo maga aà mo dañ wo wo go yaçë wañ ni de maga do jobo raw we ne kan äe rawge mono. Je heen kaçaç ma iigi äe go gaa hayga aè cag reen go pel ngaäan ka' gaa ëa mono.