JOB 25 - Le Bible en Tupurri

Waçaçre Bildad ma de swa'a: Baa waça ree tamsir go äuy

¹ Bildad ma Suwa raw waçaç waçaçre day gano:

² Waçaçge ree jarn wo de kañge heçeçne ne jar ti wo diñ ma Baa. A joñ ga jam mo hay ti ngeel ma ciñ haçaç no.

³ Hagu ngeel po yañ ta' ga sode äen wo wo ni gaa yawla? Wur naa le go ti wose gaa mo so la?

⁴ Je tabay joñ ge go keëed pel Baa na joñ ge la? Je maga biñ le go äil waçy joñge go de façaçge na joñge la?

⁵ Hayba few, sen bay sagge depuy dra' wa. Ger wo dra' bay wo go ceëeg nen äe wa lay.

⁶ Yoo no ma' ne je tabay maga diñ gogo de koëkoëe, ne weel je tabay maga diñ weel gogo de koëkoë mo so ge!