JERMI 45 - Le Bible en Tupurri

Jermi teñ nen Barugi

¹ Waçaçre maga Jermi je ndar nen waçaçre Baan waçaç ne Barug je ni Neriyan de maga aà hay yer waçaçre maga Jermi hay waçëge äe ne hen de jag äe nen kiñgi ma de naa maga Yehoyakim je ni Josiyas wañ Juda kol ti wañ mono. Se day gano:

² Manwuri, Baa ma Israyeln waçaç ti äo Barug gano:

³ Ndo ga: Maaga ndi taw we go! Manwur kañ bon ne ndi ti ciñ ti ree ma see äin ni pa, ndi go de taw ge do ndumgi, ndi bay da' jam me' wa hase!

⁴ Diñ do kay no so no ndo wiin gi gano: Koëa, ndi älag ge fen maga ndi hay boon go, ndi naa ge fen maga ndi hay peën go, wer äe ga diñ sirn mo ti' la äuy.

⁵ Day ndo äon de kië feçeçre ma kluuri wo yawla? Kië ra wa! Gahaçyla ndi day le age de ree ne wosela äuy ti, ndi haç ge tenen äon ne ndo diñ da' ge äon ti ngeel maga ndo wo ge ni mo äuy no. Kay diñ jag Manwuri.