JERMI 24 - Le Bible en Tupurri

Keerge ma äogn wo

¹ Manwur raw mbuë nen äi de keerge wo äog de le'ge hoçoç wo äili, wo de laage lag jag tiñ mani Manwur no. Sen na blam maga Nebukanetsar wañ Babilon wo go de hoo Yekoniyahu je ni Yehoyakim wañ Juda no, minisdir ma Judan wo, jar ceë kooren wo de jar 'wuçy jag tiñ wo wo go Jerusalem la day raw wo go de äaara Babilon mono.

² Keerge ma boñn de le'ge hoçoç ma de el debañ wo äil do le'ge hoçoç maga le' wo go tañgu ti wur äe mono. Keerge ma lan de le'ge hoçoç ma de älagge has wo äili, go diñ le'ge hoçoç ma de älagge go has tu bay maga jobo baa jag ni wa hase.

³ Manwur kal riñ ndi gano: Jermi, nen äo de ko mayse la? Ndi raw ferge ga: Diñ le'ge hoçoç wo. Diñ le'ge hoçoç ma de el ma de eln wo tu lay, lan diñ le'ge hoçoç ma de älagge wo go has tu ga aè kaçaç ma baa jag ti äaara gaa wer maga aà wo go de älagge has tu mo lay.

⁴ Manwur raw fer waçaçre ne ndi do kay nono gano:

⁵ Manwuri, Baa ma Israyel waçaç gano: Do maga aè joñ le'ge hoçoç ma de eln wo nono, ndi kañ ge nen äi yañ de el ti jar Juda maga ndi hoo ra wo go ti ngeel mo ta' la day ndi laa ra wo go äil sir mani jar Kalden wo mono.

⁶ Ndi kañ ge nen äi yañ ti äaara de ele, day ndi fer ge ra yañ le äil sirn la. Ndi geçeç ge ra yañ ciñ day ndi älag ge ra go gaa so hase. Ndi toçë ge kaçaçge äaara yañ go gesiñ day ndi ndar ge ra go gaa so hase.

⁷ Ndi haç ge jiili yañ ne hara maga aà mo ko wo ndi ga ndi diñ Manwuri. Hayga aà fer wo we le see äi go de jiili äaara äuy no, aà joñ ge wo yañ diñ jar äi day ndi joñ ge yañ diñ Baa äaara lay.

⁸ Do maga aè joñ le'ge hoçoç ma de älaggen wo ga jobo baa jag ti äaara gaa has werga aà wo go de älagge has no mono, Manwur waçaç lay gano: Ndi joñ ge Sedesiyas wañ Juda, minisdir äen wo de te jar Jerusalem ma lan wo, jar maga gwa' wo äil sir la de maga wo wo go de tiñ äil sir Ejipte wo na dosen no lay.

⁹ Ndi kol ge ra yañ go diñ jar joñ heçeçne, jar kañ ree ne sir wañre ma ti tamsir wo la ti äuy, ndi kol ge ra go diñ fen soçoçre, diñ fen mbuë fo, diñ fen feg ti, diñ fen faëge ti ngeel maga ndi kañ ge do wo go ne hara ni mo äuy no.

¹⁰ Ndi kañ ge moslam, koñne wo de bulfuñ wo yañ ne hara ti haçaç saara yee nen go ti tway maga ndi hay haçn ne hara de paçaçre äaara wo mono.