ESTER 7 - Le Bible en Tupurri

AÈ naa Haman go, lan diñ huli äe tu lay

¹ Wañ kal wo woge de Haman ma joñ few see waçywañ Estere.

² Ti wur naw se ma de äogn mokay no, de maga aà wo de joo yii mo lag no, wañ kal wii Ester ga: Ndo wii na diñ mayla waçywañ Estere? AÈ haçn yañ mbe ne ndo. Fen maga saçy äe ti äo diñ mayla? Hayba diñ nus wañn yaw, aè yiñ mbe jag äe yañ ne ndo.

³ Ester kal fer waçaçre ne wañ ga: Hayga ndi ko we nen wañ de el no, O wañ, hayga aà coo yañ jag wañ no, koëa, wiigi äin mokay no. Diñ ga daga ndi mo hay tenen caw, fen maga ndi de saçy äe mono: Daga jar äin mo hay wo sugi.

⁴ Werga ndi de jar äin wo mono, aè go de yee wuuri, maga caa wer wuur go, id wuur go, ndreë wuur go! Pa mo haç' no, hayga aè mo de hay yee wuur we go diñ ma joñ gebere tawa no, ndi de hay joñ mbi yañ ba'a, werga sen hay bay maga ndi gay coo wañ ti sen mo ta' wa.

⁵ Wañ Asuyerus kal mañ waçaçre day wii waçywañ Ester ga: AÀ diñ wola, day aà genla, je se maga äil äe go de bagge de ëiggi ma do kay no mo äa?

⁶ Ester kal fer waçaçre ne hen ga: Je hee no, je debaycoçoçre sen diñ Hamane, blo se ma de älagge no. Haman kal ngruägi pel wañ wo de waçywañ ni ye'e.

⁷ Wañ kal tï¡ï¡gi go de wañ, kal men ngeel fewn go deparday, raw äil pay sugnee ma ti jeñ tiñ wañ no. Haman kal gwa'ge mbe ti jeñ waçywañ Ester ni so, jag joñ kamkam ne hen maga aà mo men mbe se tenen caw ëala, werga aà hay ko ëiggi wañ mokay no, ma äen aà go de le' jag jag äe.

⁸ Wañ hay mbe rañge caw äil pay sugnee ma see tiñ wañ no, de tiñ maga aè hay wo joñ few ni mono, de wur maga Haman wo go de legadge ti koo hayle maga Ester de gisgi ni mono. Wañ kal ngar jag ga: Sen ba la, aè nduu joñ waçywañ de girgir ma sen mokay diñ de mbere nen äi tiñma la tu pa yaw! De maga waçaçre ma do kay nono kal le go jag wañ tawa, aè raw kuu nen Haman go.

⁹ Harbona, jobo ma yoo jar ma de ndar äay wo, kal waçaçge pel wañ ni ga: AÀ na dosen nono, koo ma de coçoç maga Haman hay le de kne'ge äe liñ ni äe see Mardoke, je maga hay waçaç wer wañ mono koo sen yañe. Koo se ma de coçoçn ga geçeçre äe ngaä meder do äog ti dwee mono. Wañ day ga, daga äal Haman go ciñ ti äe.

¹⁰ AÈ kal äal Haman go ciñ ti koo ma de coçoç maga aà hay kne'n see Mardoke mono. Do kay nono, äil wañ maga hay soçoç mono kal mbe go tawge so.