SIŊ WORA 6 - Tupuri Bible

Manwuri baw ndi de kiida wa

¹ Ne waŋ siŋ no. De fẽẽre jõõ ma de saale wo. Ti dilna ma saale nenmaʼa. Siŋ ma Dafidi.

² Manwuri! Joŋ bon ɓi de ɓil sõõge ɓon wa, Day ni ndo joŋ me de ɓlagge de tĩĩgi go de waŋ ɓon wa.

³ Joŋ ɓil de el ɓon see ɓi Manwuri, werga egre ɓi bay wa. Pẽẽ me go Manwuri! Werga hm ɓi daɗe.

⁴ Maysee ɓi ɓuy daɗ me go, Day ma ɓon ndo mo so no Manwuri! Diŋ hãã hun so la?

⁵ Fer le, Manwuri! Yãã tenen ɓin go Yãã me go diŋ wer ɓil de el ɓo no.

⁶ Werga go nen húulí mono ɗiggi ti ɓo bay wa so Wose togoɗ ge ndo yaŋ ni jar ɓi tuu wo pala?

⁷ Ndi go de gayge doo ndumgi De suŋ tum mokay no, fen súuli ɓin taŋ go de mberbe Roo maga ndi ra mono ɓoʼ bii go ti fen súuli no.

⁸ Nen ɓi wo go de rwagge doo carge jag jiili Á taw wo tããbe go doo jar hee ɓin wo mo deŋ ɓuy no.

⁹ Nday jar maga nday joŋ re maga bay keɗed wa mo deŋ ɓuy no, Ɗee we go see ɓi. Werga Manwur laa roo ɓin wo we,

¹⁰ Manwur laa kamkam ɓin wo we Manwur laa tosge ɓi no.

¹¹ Jar hee ɓin wo ɓuy sõõre joŋ ge ra day á daɗ ge wora, Á fer ge wo yaŋ go gug de wùu ti de sõõre.